Xongkongning yéngi yash parlamént ezaliri parlaméntta “Yashliq” ini körsitishke bashlidi
Bu yil séntebirde ötküzülgen xongkong parlamént saylimining netijiside, musteqilliq terepdari bir türküm yashlar parlaménttin orun alghan idi.
Bügün xongkong parlaméntida ötküzülgen qesem bérish murasimida bular murasimning aditige xilap halda, özlirining jungxu'a xelq jumhuriyitini xalimaydighanliqi we xongkong musteqilliqini arzu qilidighanliqidek siyasiy iradisini ashkara we yoshurun shekillerde ipadiligen.
Radikal “Yash nesiller partiyisi”din bolghan wekil sikstas luéng qesem bergende “Xongkong xitay emes” déyilgen kökbayraqni qolida tutqan؛ uning sepdishi yaw weychung bir qolida injilni tutup hem barmaqliri bilen kirist belgisini körsitip, xitay dölet bayriqidiki oghaq bolqigha qarshi meydanini ipadiligen.
Birleshme agéntliqining bügünki bu heqtiki xewiride yene bayan qilishiche, parlaméntning 23 yashliq, eng kichik ezasi natan law murasim qesimini oqushtin awwal hindistan musteqilliqining dahiysi mahatma gendiyning diktatorlargha bash egmeslik heqqidiki bir meshhur üzündisini muqeddime süpitide oqughan. Xewerlerde yene déyilishiche, yash parlamént ezaliridin biri qesemdiki jungxu'a xelq jumhuriyiti dégen atalghuni intayin pes awazda oqush, yene biri 100 sözge yetmeydighan qesemnamini 10 minutqa sozup asta sür'ette oqush, yene biri bolsa “Xitayning in'glizche teleppuzini yaponche kemsitish teleppuzida shina dep oqush arqiliq, özlirining xitay xelq jumhuriyitige sadaqiti yoqluqini ipadiligen.
Xongkong parlaméntida körülüp baqmighan bu ehwal murasim bashqurghuchilirini qéyin ehwalda qoyghan. Melum bolushiche, xongkong asasiy qanunida xongkongning xitayning bir qismi ikenliki bayan qilin'ghan bolsimu, xongkong musteqilliqini munazire qilishqa bolidighan-bolmaydighanliqi tilgha élinmighan.
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
- Xitay qaramayda tunji bolup sinaq qiliwatqan eqliy iqtidarliq charlighuchi mashina qandaq nerse?
- Norwégiyede “Sherqiy türkistan erkinlik longqisini talishish” putbol musabiqisi bashlandi
