Хитай һөкүмити хусуси шеркәтләрни җәнубтики вилайәт-областларда завут-кархана қурушқа сәпәрвәр қилди

Мухбиримиз әркин
2020-10-12
Share

Американиң кишилик һоқуқ имбаргосиға учрап, уйғур диярида иқтисадий кризисқа дуч кәлгән хитай һөкүмити хусусий шеркәтләрни һәрикәтләндүрүп, җәнубтики вилайәт вә областларда завут-кархана қурушқа сәпәрвәр қилған. «Шинҗаң гезити» ниң ашкарилишичә, хитай дөләт ишлири кабинети, уйғур аптоном районлуқ партком вә һөкүмәт 11-өктәбир күни хотәндә сәпәрвәрлик йиғини чақирип, «хусусий карханиларниң җәнубқа йүрүш қилиш һәрикити» ни қозғиған.

Хәвәрдә бу һәрикәтниң «шинҗаң хизмити сөһбәт йиғини» вә ши җинпинниң йиғинда сөзлигән сөзигә аваз қошуп, хусусий карханиларниң җәнубтики вилайәт-областларда завут-кархана қуруши, «җәнубниң намратлиқни түгитишигә ярдәм бериши» ни алға сүрүшни мәқсәт қилғанлиқи илгири сүрүлгән. Лекин көзәткүчиләрниң тәкитлишичә, американиң райондики хитай карханилириға ембарго қоюши, хәлқара ширкәтләрниң мәзкур район билән болған сода алақисини кесишкә башлиши райондики хитай хусусий карханилирида қаттиқ әндишә пәйда қилған.

Көзәткүчиләр, хитай даирилириниң бу һәрикәт арқилиқ хитай хусусий карханилириға тәсәлли вә илһам берип, хитайниң бу карханиларни мәзкур районда давамлиқ тутуп қелишқа урунуватқанлиқини билдүрди. «Шинҗаң гезити» ниң билдүрүшичә, йиғинда уйғур аптоном районлуқ парткомниң муавин секретари ли пеңшин: «хусусий карханиларниң җәнубқа йүрүш қилиш паалийитиниң өткүзүлүши партийиниң йеңи дәврдики шинҗаңни башқуруш истиратегийәсини йолға қоюшниң конкрет ипадиси,» дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт