Xitayning atalmish "Merkezning kadir we mutexessisler yardem qoshuni" ürümchige keldi

Xitay hökümitining onchi türkümdiki atalmish "Shinjanggha yardem bérishke atlan'ghan kadir we mutexessisler qoshuni" 21-séntebir küni ürümchige yétip kélip, üch yilliq xizmetni bashlidi.

Xitay hökümiti bashqurushidiki shinxu'a agéntliqining 22-séntebirdiki xewiride éytilishiche, xitay merkizi hökümiti herqaysi orunlardin tallap ewetken 579 kadir "Shinjangning her tereplime xizmetlirige yardem bérish" dégen namda ishqa chüshidiken. Ular asasliqi ma'arip, pul-mu'amile, tébbiy ishlar, pen-téxnika qatarliq sahelerge orunlashturulidiken. Xewerde éytilishiche, buningdin sel ilgiri "Shinjanggha nishanliq yardem bérish" namida töt mingdin artuq xitay kadir Uyghur diyarigha yétip kelgeniken.

Xewerde bu ishlarni "Shinjangning tereqqiyatigha hemde muqimliq we eminlik qurulushigha alahide paydiliq" déyilidu. Halbuki muhajirettiki analizchilar bu heqte pikir qilip "Bu xitay hökümitining mustemlikichilik hakimiyiti üchün kadirlar qoshunini mustehkemlesh urunushidin bashqa nerse emes" déyishti hemde Uyghur-xitay tilli'irgha mukemmel bolghan minglighan Uyghur aliy mektep oqughuchilirining ishsiz yürüwatqanliqini buninggha delil qilishti.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar