Uyghurlar diyarida küchlük yer tewridi

Muxbirimiz eziz
2017-08-09
Share

Roytérs agéntliqining xewiridin melum bolushiche, shu yer waqti 9-awghust küni seher sa'et 7:27 da Uyghurlar diyaridiki bortalagha qarashliq jing nahiyisi etrapida 6.6 Bal yer tewrigen.

Hökümet terepning melumatlirida éytilishiche, yer tewresh rayonida ahale shalang bolghachqa ölüm-yitim yaki ziyan-zexmet hadisiliri körülmigen. Emma bu qétimqi yer tewreshning sichüendiki yer tewresh bilen alaqisi yoq iken.

Radiyomiz muxbirlirining igilishidin melum bolushiche, hazirgha qeder ming nechche éghiz öy örülüp chüshken bolup, az dégendimu 34 kishi yarilan'ghan. Bulardin ikki kishining yarisi éghir iken. Firansiye birleshme agéntliqining xewiride éytilishiche, yer tewresh merkizi jing nahiyiside bolup, 11 kilométir chongqurluqta iken. Küchlük yer tewresh 20 sékunt etrapida dawam qilghandin kéyin yene töt qétim qalduq yer tewrigen.

Uyghurlar diyarida ilgiri birnechche qétim qattiq yer tewresh körülgen bolsimu, hökümet terep izchil halda shexslerning apet rayonigha i'ane toplishini men'i qilip kelgen. Emma, xitay ölkiliride yer tewrigende bolsa, mejburlash sheklidiki i'ane toplash heriketliri köp qétim teshkillen'genliki melum.

Yer tewresh merkizi bolghan jing nahiyisi qazaqistan chégrasidin 100 kilométir yiraqliqqa toghra kélidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet