7 Дөләт башлиқлириниң йиғини хитайни уйғур елида кишилик һоқуққа һөрмәт қилишқа чақирди

Әнгилийәдә өткүзүлгән санаәтләшкән 7 дөләт башлиқлириниң 13-июн күни илан қилған ортақ баянатида уйғурлармәсилисиму тилға елинған. Йиғинниң ахирида елан қилинған баянатта, хитайни уйғур елида кишилик һоқуққа һөрмәт қлишқа, хоңкоңниң али аптономийәлик орнини сақлашқа чақирған. Бу уйғурлар мәсилисиниң тунҗи қетим санаәтләшкән 7 дөләт башлирилириниң ортақ баянатида тилға елинишидур.

Ройтерс агентлиқиниң хәвәр қилишичә, баянатта "биз қиммәт қаришимизни алға сүримиз, җүмлидин хитайни кишилик һоқуқ вә негизлик әркинликкә һөрмәт қилишқа чақиримиз, болупму шинҗаңға мунасивәтлик ишларда, шундақла хитай-әнгилийә қошма ахбарати вә асасий қанундики хоңкоңниң бу һәқ-һоқуқи, әркинлики вә али аптономийәсигә һөрмәт қилишқа чақиримиз," дейилгән.

Ройтерс агентлиқиниң билдүрүшичә, йиғинда тәрәпләр йәнә мәҗбури әмгәкни йәр шари тәминат зәнҗиридин чиқириветишкә вәдә берип, уйғур елини мәҗбурий әмгәкниң асаслиқ мәнбәси, дәп көрсәткән.

Америка тәрәп елан қилған бу һәқтики бир һөҗәттә мундақ дейилгән: "америка вә G7 шериклиримиз йәр шари тәминләш зәнҗиридә һәр хил шәкилдики мәҗбурий әмгәкниң ишлитилишидин қаттиқ әндишә қилиду. Бу дөләтниң һамилиқида аҗиз гуруппиларни вә аз санлиқ милләтләрни мәҗбурий әмгәккә селиш, деһқанчилиқ, қуяш енергийиси вә кийим-кечәк саһәлиридә мәҗбурий ишлитишни ‍өз ичигә алған болуп, шинҗаң әндишә қозғаватқан асаслиқ тәминат зәнҗири."

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар