Җаң чүншйәнниң қайтидин хитай компартийәси мәркизий комитет әзалиқиға сайлиниши диққәт қозғиди

Мухбиримиз әзиз
2017.10.24
Share on WhatsApp
Share on WhatsApp

Сәйшәнбә күни өткүзүлгән хитай компартийәсииң 19-қурултийиниң йепилиш мурасимида бир қисим вәкилләр йеңидин тәшкил қилинған мәркизий комитетниң әзалиқиға сайланған.

“шинҗаң уйғур аптоном райони” ниң сабиқ партийә секретари, нөвәттә “мәркизий партийә қурулуши рәһбәрлик гурупписи” ниң муавин мудири болуп ишләватқан җаң чүншйән бу қетим ли кечяң, ваң яң қатарлиқ бир қисим юқири дәриҗилик хитай әмәлдарлири билән бирликтә мәркизий комитет әзалиқиға сайланған.

Бу йил 64 яшқа киргән җаң чүншйән 2009-йили “5‏-июл үрүмчи вәқәси” йүз берип бир йилдин кейин ваң лечүәнниң орниға тәйинлинип, уйғурлар диярида партийә секретари болуп ишлигән, 2016-йили бейҗиңға елип кетилгән. Бу қетимқи қурултайда униң мәркизий комитет әзалиқиға сайлиниши билән бир қисим көзәткүчиләр “бейҗиң даирилири җаң чүншийәнни давамлиқ әтиварлап ишлитиши еһтималға йеқин” дейишмәктә.

Мәлум болушичә, хитай компартийәсиниң мәркизи комитети адәттә “партийәниң алий рәһбәрлик оргини” дәп қарилидиған болуп, нөвәттә униң 205 әзаси, 171 кандидат әзаси бар икән. Хитай қанунида әзаларниң һәр бәш йилда бир қетим сайлинидиғанлиқи бәлгиләнгән болсиму, әмәлийәттә мәркизий комитет әзалири омумән хитай компартийәсиниң сиясий бюроси вә сиясий бюро даимий комитети тәрипидин тәйинлинидикән.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.