"зимистан" тори: "намратлиқни түгитиш уйғурларға нисбәтән мәдәнийәт қирғинчилиқидин дерәк бериду"

Мухбиримиз әркин
2020-04-17
Share

Италийәдики "зимистан" тори хитайниң намратлиқни түгитиш намида уйғурларни кәң көләмдә йөткәп ишқа орунлаштуруши әмәлийәттә уйғурларға нисбәтән "мәдәнийәт қирғинчилиқи" икәнликини билдүрди.

Мәзкур тор бекитиниң 17-апрел елан қилған мақалисидә германийәлик уйғуршунаш адриян зензниң сөзи нәқил кәлтүрүлүп, хитайниң "шинҗаңдики намратлиққа қарши туруш программисиниң әмәлийәттә уйғурларни кимликидин мәһрум қилиш, уларни қуллуқ әмгикигә мәҗбурлашниң йәнә бир хил қорали" икәнлики тәкитләнгән.

Мақалидә қәйт қилишичә, адриян зенз бу сөзләрни америкадики "коммунизм қурбанлири хатирә фонди" ниң бу һәптә өткүзүлгән тор семинарида тәкитлигән. У нөвәттә хитайниң уйғурларни бойсундуруш узун муддәтлик истиратегийәси йеңи басқучқа қәдәм қойғанлиқи, униң мәҗбурий әмгәк, маарипни қорал қилиш, әвладларни айриш арқилиқ уйғурларни ассимилятсийә қилишқа киришкәнликини билдүргән. Униң тәкитлишичә, хитайниң уйғурларға қаратқан намратлиқни түгитиш программиси бу пиланниң бир парчиси икән.

Хитайниң пилани 2023-йилға қәдәр бир милйон ишчини тоқумичилиқ саһәсигә орунластуруш болуп, буниң 650 миң нәпирини җәнубтики уйғурлар тәшкил қилидикән. "зимистан" ториниң билдүрүшичә, адриян зенз йәнә толуқ ишқа орунлишишниң пассип тәрәққият болмисиму, лекин хитайниң ахирқи мәқситиниң уйғур кимлики вә дуня қаришини өзгәртиш икәнлики, униң нийитиниң нишанлиқ "мәдәнийәт қирғичилиқи" ға ятидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт