Қарамай шәһиридики уйғурлар топлишип олтурақлашқан районда өйләр чеқилмақта

Ихтиярий мухбиримиз еһсан
2015.12.07
qaramay-dashigo-oy-cheqish-1.jpg Қарамай шәһиридики уйғурлар топлишип олтурақлашқан районида өйләрниң мәҗбури чеқиливатқан көрүнүши. 2014-Йили 17-июн.
Photo: RFA

Қарамай шәһиридә 25-март сәһәр саәт 1 ләрдә йүз бәргән дашиго районидики уйғурлар топлишип олтурақлашқан мәһәллидики от апитидин кейин 6-айниң 25-күнигичә йәрлик даириләр апәткә учриғанларни, 3 айлиқ иҗарә өй һәққини берип вақитлиқ турақлаштурған иди.

Йеқинда қарамай районлуқ шәһәр башқуруш қанун иҗра қилиш идариси тор бетидә елан қилған хәвиридә, 11-айниң башлирида йәр-земин идариси қатарлиқ бирләшмә гуруппилардин 20дин артуқ қанун иҗра қилғучи хадимниң қатнишиши билән ғәрбий ташлиқ җилғиси районида қанунсиз өй салған 27 аилиликни, дашиго районида қанунсиз селинған 32 аилилик болуп, 3600 квадрат метирлиқ йәрдики өйләрни чеқивәткәнликини хәвәр қилған.

Биз қарамай районидики мунасивәтлик һөкүмәт тармақлириға телефон қилип, өйлири чеқилған кишиләрни орунлаштуруш мәсилиси вә һөкүмәтниң уларға қарита параванлиқ тәдбирлири бекиткән яки бекитмигәнлики вә башқа әһвалларни игиләшкә тириштуқ.

Қарамай шәһәрлик алақидар идаригә телефон қилип алақә қилишқа тиришқан болсақму телефон қобул қилинмиди. Бирақ, биз қарамай шәһиридики бир қисим аһалиләргә телефон қилип әһвал игиләшкә тириштуқ. Зияритимизни қобул қилған йәрлик уйғурларниң инкас қилишичә, қарамай шәһәрлик һөкүмәт қарамай нопуси болмиған пуқралар үчүн, төт йүрүш төвән иҗарилиқ бина салған болуп, уларға тәқсим қилинған өйләр бир еғизлиқ, һаҗәтханиси бар, әмма ашханиси йоқ бина өй икәнлики, бу өйләрни елиш үчүн чоқум алди билән өйни чеқиш тохтамиға қол қоюш керәклики, өйи чеқилғандин кейин андин 23 квадрат метирлиқ өйгә игә болидиғанлиқи, иҗарә өйгә мунча вә ис татқу орнитишқа рухсәт қилинмайдиғанлиқи мәлум болди.

Даириләр мунча үчүн аммиви мунча салидиғанлиқини уқтурған.

Нурғун уйғурлар бундақ кичик өйдә һәм тамақ етип йейиш, балилиқ йетип қопуш әпсизликини инкас қилсиму, даириләр чатиқи бо лмайла қалмастин, йеши чоңлар үчүнму юқири қәвәттин өй тәқсим қилған. Қарамай аһалилири бу һәқтә сориған соаллиримизға җаваб бәрди.

От апитидин кейин қурулған һөкүмәт билән сөһбәт өткүзүш вәкили ичидики 5 кишидин аблимитхан вә турсинахун исимлик 50 яшлар әтрапидики икки киши қарамай шәһәрлик дөләт бихәтәрлик идариси тәрипидин туюқсиз тутқун қилинған иди.

Игиләш давамида йәнә, от апитидин кейин тутқун қилинған аблимитхан аилә тавабиатлириға төвән иҗарилик өй тәқсим қилинған болсиму, әмма йәрлик даириләр униңға қандақ җинайәт билән һөкүм елан қилғанлиқини ашкара қилмиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.