Yashlar Uyghur kishilik hoquq qoghdighuchisi bolush üchün qandaq shertlerni hazirlash kérek?

Dunya Uyghur qurultiyi yashlar komitéti re'isi gheyur qurban muxbirimizning ziyaritini qobul qilmaqta. 2015-Yili 7-may, washin'gton.

Xitay hökümitining Uyghur yashlirini nishan qilghan basturushliri barghanche kücheymekte, buning bilen yéqinqi yillarda bolupmu 5-iyul weqesidin kéyin chet'ellerge hijret qilghan Uyghur yashlirining sani köpeymekte.

Weziyetke mas halda chet'ellerdiki Uyghur dawasining merkizi teshkilati bolghan dunya Uyghur qurultiyi mana bu Uyghur dawa sépige qétiliwatqan yéngi yash küchlerni yéteklesh, ularning aktipliqini ashurush, pa'aliyet élip bérishtiki kespiy iqtidarini yuqiri kötürüshke ehmiyet bermekte. Ötken hepte d u q ning 10-nöwetlik yash Uyghur aktiplirini terbiyilesh kursi 6-maydin 8-mayghiche washin'gtonda échilghan idi. Kurs axirlashqandin kéyin bu nöwetlik yash aktiplarni terbiyilesh kursini teshkillesh xizmetliride aktip rol oynighan yashlardin dunya Uyghur qurultiyi yashlar komitétining re'isi gheyur qurban ependi “Uyghur kishilik hoquq qoghdighuchisi, erkinlik jengchisi bolush üchün yashlar qandaq shertlerni hazirlash kérek?” dégen témida ziyaritimizni qobul qildi we özining Uyghur dewasigha qatnishishigha néme asasliq türtke bolghanliqini hemde yétilish yollirini sözlep ötti.

Yuqiridiki awaz ulinishidin muxbirimizning gheyur qurban ependi bilen élip barghan söhbitini anglighaysiler.