د ئۇ ق ھەيئىتى توكيودىكى «شەرقىي تۈركىستان ئىسلام جۇمھۇرىيىتى» مۇجاھىدىلىرىنىڭ قەبرىگاھىنى زىيارەت قىلدى

د ئۇ ق ھەيئىتى توكيودىكى «شەرقىي تۈركىستان ئىسلام جۇمھۇرىيىتى» مۇجاھىدىلىرىدىن گېنېرال مەخمۇت مۇھىتىنىڭ ئوردو تىل تەرجىمانى توختى بەگزادىنىڭ قەبرىگاھىدا. 2017-يىلى 17-فېۋرال، توكيو.

11-فېۋرالدىن باشلاپ ياپونىيەدە زىيارەتتە بولۇۋاتقان دۇنيا ئۇيغۇر قۇرۇلتىيى ھەيئىتى 17-فېۋرال كۈنى ئەتىگەندە توكيو تاما قەبرىستانلىقىدىكى 1933-يىلى قەشقەردە قۇرۇلغان شەرقىي تۈركىستان ئىسلام جۇمھۇرىيىتىنىڭ ھەربىي قوماندانى گېنېرال مەخمۇت مۇھىتى بىلەن بىرلىكتە 1939-يىلى 5-ئايدا ياپونىيەگە كېلىپ ياپونىيە ھۆكۈمىتىدىن ماددىي ۋە مەنىۋى جەھەتتىن ياردەم تەلەپ قىلغان ۋە كېيىن ياپونىيەگە يەرلىشىپ بۇ يەردە ۋاپات بولغان گېنېرال مەخمۇت مۇھىتىنىڭ ئاكىسى مۇسۇلھاجى مۇھىتى، مەخمۇت مۇھىتىنىڭ ئوردو تىل تەرجىمانى توختى بەگزادە قاتارلىق زاتلارنىڭ قەبرىگاھىنى زىيارەت قىلىپ قۇرئان تىلاۋەت قىلدى.

پائالىيەت ئاخىرلاشقاندىن كېيىن، ياپونىيەدىكى ئىختىيارىي مۇخبىرىمىز ھاجى قۇتلۇق قادىرى دۇنيا ئۇيغۇر قۇرۇلتىيىنىڭ مۇئاۋىن رەئىسلىرىدىن سېيىت تۈمتۈرك، ئۈمىد خەمىت ۋە ياپونىيە ئۇيغۇر بىرلىكى تەشكىلاتىنىڭ رەئىسى تۇرمۇھەممەت ھاشىملار بىلەن بۇ ھەقتە سۆھبەت ئېلىپ باردى.

يۇقىرىدىكى ئۇلىنىشتىن بۇ پروگراممىنىڭ تەپسىلاتىنى ئاڭلايسىلەر.