“Hayat shahitlirimiz” namliq köp qisimliq téléwiziye programmisi tarqitilishqa bashlidi

Merkizi istanbulgha jaylashqan “Erk téléwiziyisi” uzun yillardin béri “Siyaset meydani” namliq téléwiziye programmisi arqiliq dunyaning herqaysi jaylirida turushluq Uyghur siyasiyonlar, ziyaliylar we pa'aliyetchiler bilen söhbet élip bérip, ularning hayati we dewagha bolghan köz qarishini anglitip kelmekte idi. Yéqinda “Hayat shahitlirimiz” namida téléwiziye programmisi tesis qilip Uyghur tarixi shexsler toghrisidiki melumatlarni otturigha chiqirishqa tirishmaqta. Bu köp qisimliq téléwiziye programmisini ishlesh üchün 6-ayda qazaqistan we qirghizistan'gha bérip sin'alghugha tartip kelgen “Erk téléwiziyisi” ining mudiri abduraxman öztürk ependi bilen bu heqte söhbet élip barduq. U, qazaqistan we qirghizistandiki Uyghurlarning hayati we siyasiy tarixi bayan qilin'ghan “Hayat shahitlirimiz” namliq köp qisimliq filim ishlewatqanliqini, jem'iy 50 qisimliq téléwiziye programmisi ishleydighanliqini , buning birinchi qismining www.erktv.com Tor bétige qoyulghanliqini éytti.

Erk téléwiziyisi türkiyede qanuniy en'ge aldurulghan Uyghurche téléwiziye organlirining biridur.