“дуня китаб оқуш күни” дә истанбулдики уйғур оқуғучилар паалийәт өткүзди

Ихтиярий мухбиримиз арслан
2018.04.30
Share on WhatsApp
Share on WhatsApp
dunya-kitab-oqush-kuni-1.jpg

Истанбул тиҗарәт университетидики қиз-оғул уйғур оқуғучиларниң “дуня китаб оқуш күни” ни тәбрикләп өткүзгән паалийәтлири. 2018-Йили 23-апрел, истанбул. RFA/Arslan

dunya-kitab-oqush-kuni-2.jpg

Истанбул тиҗарәт университетидики қиз-оғул уйғур оқуғучиларниң “дуня китаб оқуш күни” ни тәбрикләп өткүзгән паалийәтлири. 2018-Йили 23-апрел, истанбул. RFA/Arslan

dunya-kitab-oqush-kuni-3.jpg

Истанбул тиҗарәт университетидики қиз-оғул уйғур оқуғучиларниң “дуня китаб оқуш күни” ни тәбрикләп өткүзгән паалийәтлири. 2018-Йили 23-апрел, истанбул. RFA/Arslan

dunya-kitab-oqush-kuni-4.jpg

Истанбул тиҗарәт университетидики қиз-оғул уйғур оқуғучиларниң “дуня китаб оқуш күни” ни тәбрикләп өткүзгән паалийәтлири. 2018-Йили 23-апрел, истанбул. RFA/Arslan

dunya-kitab-oqush-kuni-5.jpg

Истанбул тиҗарәт университетидики қиз-оғул уйғур оқуғучиларниң “дуня китаб оқуш күни” ни тәбрикләп өткүзгән паалийәтлири. 2018-Йили 23-апрел, истанбул. RFA/Arslan

dunya-kitab-oqush-kuni-6.jpg

Истанбул тиҗарәт университетидики қиз-оғул уйғур оқуғучиларниң “дуня китаб оқуш күни” ни тәбрикләп өткүзгән паалийәтлири. 2018-Йили 23-апрел, истанбул. RFA/Arslan

dunya-kitab-oqush-kuni-7.jpg

Истанбул тиҗарәт университетидики қиз-оғул уйғур оқуғучиларниң “дуня китаб оқуш күни” ни тәбрикләп өткүзгән паалийәтлири. 2018-Йили 23-апрел, истанбул. RFA/Arslan

dunya-kitab-oqush-kuni-8.jpg

Истанбул тиҗарәт университетидики қиз-оғул уйғур оқуғучиларниң “дуня китаб оқуш күни” ни тәбрикләп өткүзгән паалийәтлири. 2018-Йили 23-апрел, истанбул. RFA/Arslan

dunya-kitab-oqush-kuni-9.jpg

Истанбул тиҗарәт университетидики қиз-оғул уйғур оқуғучиларниң “дуня китаб оқуш күни” ни тәбрикләп өткүзгән паалийәтлири. 2018-Йили 23-апрел, истанбул. RFA/Arslan

“изчилар гурупписи” намдики уйғур оқуғучилар уюшмисиниң уюштуруши билән истанбул тиҗарәт университетидики қиз-оғул уйғур оқуғучилар бир җайға җәм болуп, “дуня китаб оқуш күни” ни тәбриклиди вә китаб оқуш паалийити елип барди.

23-Апрел күни йәнә түркийәниң башқа бир қанчилиған алий мәктәплиридә оқуватқан уйғур оқуғучилар арисида китаб оқуш вә китаб тарқитиш паалийити елип берилған.

Биз бу паалийәт тоғрисида техиму тәпсилий мәлуматқа еришиш үчүн китаб оқуш вә тарқитиш паалийити уюштурған истанбулдики тиҗарәт университетиниң уйғур оқуғучилири билән сөһбәт елип бардуқ.

Истанбулдики тиҗарәт университети хәлқаралиқ тиҗарәт факултетиниң оқуғучиси абдулла қурбан бу паалийәтниң мәқсити тоғрисида тохтилип, мундақ деди: “уйғур оқуғучилар арисида дуня китаб оқуш күнини хатириләштики мәқсәт шуки, ‛уйғурлар китаб оқумайду‚ дегән хата чүшәнчигә хатимә бериш, китаб оқушқа адәтлинишниң муһимлиқини хәлқимизгә билдүрүш, уйғурлар арисида китаб оқуш қизғинлиқини ашуруш, мәнивийитимизни бейитиш һәмдә китаб нәшр қилиш вә китаб сетивелиш еңимизни йәниму күчәйтиш үчүндур.”

Абдулла қурбанниң билдүрүшичә, “изчилар гурупписи” дики уйғур оқуғучилар “уйғурлар”, “шәрқий түркистан тарихи”, “из”, “ғени батур”, “көз йешида нәмләнгән земин” қатарлиқ 300 парчидин артуқ уйғурчә китабни түркийәдики һәр қайси университетларда оқуватқан уйғур оқуғучиларға тарқатқан.

Истанбулдики сабаһәттин заим университети ислами билимләр факултетиниң оқуғучиси фәруқ муһәммәд китаб оқуш паалийитиниң әһмийити тоғрисида тохтилип, мундақ деди: “вәтинимиз шәрқий түркистанда ана тилимизни өгиниш вә уйғурчә китабларни нәшр қилиш чәклиниватқан бүгүнки күндә муһаҗирәттики уйғурлар арисида китаб оқуш вә тарқитиш паалийити елип бериш муһим әһмийәткә игә бир иштур. Истанбулдики уйғур оқуғучиларниң ‛изчилар гурупписи‚ намлиқ уюшмиси тәрипидин дуня китаб оқуш күнидә бундақ бир паалийәтни өткүзүши муһаҗирәттики уйғурлар арисида китаб оқуш вә тарқитиштәк бир илмий кәйпиятни яритишта түрткилик рол ойнайду, дәп қараймән.”

Фәруқ муһәммәд йәнә “изчилар гурупписи” тәрипидин 2018-йиллиқ китаб оқуш паалийити тәшкиллиши билән түркийәдики уйғур яшлири арисида китаб оқушни омумлаштуруш вә буниңға адәтлиништәк бир кәйпиятниң аста-аста көрүлүшкә башлиғанлиқини илгири сүрди.

Игилишимизчә, 1995-йили испанийәниң барселона шәһиридә җәм болған “дуня нәшриятчилар бирлики” қурлтай чақирип, һәр йили 23-апрел күнини “дуня китаб оқуш күни” қилип бекиткән. Шу йили йәнә б д т илим-пән, маарип вә мәдәнийәт комитети тәрипидин һәр йилиниң 23-апрел күни “дуня китаб күни” қилип бекитилгән.

Абдулла қурбан “изчилар гурупписи” ниң ғайә вә мәқсәтлири тоғрисида тохтилип, мундақ деди: “изчилар гурупписиниң ғайә-мәқсәтлири болса маарипни асас қилған, милләтниң сапасини ашуруш вә йүксәлдурушни мәқсәт қилған. Бу гуруппа түркийәдики һәр қайси университетларда оқуватқан уйғур оқуғучилардин тәшкилләнгән бир гуруппидур.”

Абдулла қурбанниң билдүрүшичә, “изчилар гурупписи” 2018-йиллиқ мукапатлиқ китаб оқуш паалийити тәшкиллигән болуп, униң күнтәртипидә түркийәдә турушлуқ уйғурларға “изчилар гурупписи” намидин сетивелинған китабларни һәқсиз вә һечқандақ шәрт қоймиған асаста йәткүзүп бериш, оқуған китаб сани вә язған тәсират мақалсиға қарита биринчи дәриҗилик оқурмәнгә 1000 лира, иккинчи дәриҗилик оқурмәнгә 700 лира, үчинчи дәриҗилик оқурмәнгә 500 лира мукапат бериш һәмдә қәрәллик китаб чайлири орунлаштуруш қатарлиқ бир қатар муһим паалийәтләр орун алған икән.

Биз “изчилар гурупписи” дин китаб арийәт елип оқуған кастамону университетиниң оқуғучи арапат абликим билән сөһбәт елип бардуқ. Арапат абликим “изчилар гурупписи” ниң китаб оқуш паалийити уюштурғанлиқидин вә өзигә китаб әвәткәнликидин сөйүнгәнликини билдүрди вә “изчилар гурупписи” ға рәһмәт ейтти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт