Рәссам мәрвайит ханим йеқинқи иҗадийити вә иҗадийәт темилири һәққидә тохталди

Мухбиримиз меһрибан
2015.01.30
merwayit-hapiz-germaniye-hubman-305.png Мәрвайит һапиз ханимниң сүрәт көргәзмисидин бир көрүнүш
Photo: RFA


Явропада тонулған уйғур рәссам мәрвайит ханимниң бултур 30 - ноябир германийәниң мюнхен шәһиридә башланған хәлқаралиқ рәсим көргәзмиси 27 - январ аяғлашти. Рәссам мәрвайит ханим радийомиз мухбириниң зияритини қобул қилип, бу қетимқи көргәзминиң мувәппәқийити, өзиниң йеқинқи йиллардики иҗадийәт нәтиҗилири вә бундин кейинки иҗадий йөнүлүши һәққидә тохталди.

Германийиниң мюнхин шәһиридә икки айдин артуқ давамлашқан рәсим көргәзмисидин кейин, мәрвайит ханим зияритимизни қобул қилип, бу қетимқи рәсим көргәзмисиниң әмәлий әһвалини вә көргәзмидин кейинки һаяҗанлиқ кәйпиятини ипадилиди.

Мәрвайит ханимниң билдүрүшичә, 2014 - йили мәрвайит ханим түркийиниң әнқәрә, истанбул шәһәрлири вә германийидә бирқанчә қетим рәсим көргәзмиси уюштурған. Мәрвайит ханимниң көргәзмигә қоюлған рәсимлири йеқинқи 5 йил ичидә явропада тонулған рәссамларниң талланған рәсимлири қатарида истанбулда көргәзмә қилинған.

Мәрвайит ханимниң бу қетимқи рәсим көргәзмисини германийә дөләтлик психологийә академийиси уюштурған. Мәрвайит ханим 70 парчидин артуқ рәсим қоюлған көргәзмисигә “йипәк йолидики карван” дәп нам қойғанлиқини билдүрүп, өзиниң йеқинқи йиллардики иҗадийити асаслиқи әнәниви уйғур мәдәнийитигә беғишланғанлиқини билдүрди.

Мәрвайит ханим йәнә, өзиниң бундин кейинки иҗадийәт темисиниң йәнила “йипәк йоли” мәдәнийити вә уйғурларниң әнәниви һаяти әкс әткән темиларға беғишлинидиғанлиқини билдүрүп, бу җәһәттә вәтән ичи вә сиртидики яш рәссамлар билән давамлиқ пикир алмаштуруп туруватқанлиқини, рәсим һәвәскарлирини тәрбийиләш җәһәттиму тиришчанлиқ көрситиватқанлиқини билдүрди.

Юқириқи аваз улинишидин мухбиримиз меһрибанниң мәрвайит ханим билән өткүзгән сөһбитиниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.