Сәнубәр турсун лос анҗелиста уйғур хәлқ нахшилирини яңратти

Мухбиримиз гүлчеһрә
2016-08-09
Share
senuber-tursun-los-angelis-naxsha.jpg Лос анҗелис шәһиридики "сәнубәр турсун нахша кечилики"
RFA

Йеқинда америкиниң лос анҗелис шәһиридики әң чоң мәдәнийәт вә сәнәт оюнлирини тәшкилләш мәркизи grand performance тарқатқан еланда 7 - авғуст лос анҗелис шәһәр мәркизидики калифорнийә плаза дәп атилидиған мәдәнийәт мәйданида "сәнубәр турсун нахша кечилики" өткүзүлидиғанлиқи һәққидә учур берилгән иди. Бүгүн америкиниң лос анҗелис шәһиридә туруватқан, тонушлуқ уйғур алимлиридин оптика инженери доктор әркин сидиқ әпәнди радийомизға учур берип, түнүгүн кәч уйғур хәлқиниң тонулған суюмлук нахшичисии, уйғур хәлқиниң куй ханиши сәнубәр турсун қатарлиқ уйғур сәнәткарларниң бу оюнини өзиниң аилисини қошқанда 70кә йеқин уйғурларниң көргәнликини, шуниңдәк бу оюн интайин һаяҗанлиқ вә мувәппәқийәтлик өткәнликини, сәнәткарларниң муқам вә уйғур хәлқ нахша, музикилирини вайиға йәткүзүп орундап, пүтүн мәйдандики тамашибинларни һаяҗанға салғанлиқини билдүрди вә бу хилдики сәнәт кечиликлириниң уйғур мәдәнийәт сәнитини америкилиқларға тонуштурушта интайин муһим рол ойнайду дәп қарайдиғанлиқини ейтти.

Тунҗи қетимлиқ бу кечиликтә сәнубәр турсунға сазәндиләрдин тәмбүрчи миҗит юнус әпәнди, ғеҗәкчи адил аблиз әпәнди вә фирансийидики уссулчи муқәддәс миҗитләр һәмкарлашқан. Сәнубәр турсун вә башқа музикантланиң бу бир һәптилик америка сәпири лос анҗелистики түрлүк мәдәнийәт алмаштуруш паалийәтлири вә һәр күни нахша кечилики үчүн җапалиқ мәшиқ қилиш билән өткән. Игилишимизгә қариғанда, гәрчә бу кечилик һөкүмәтсиз тәшкилатлар тәрипидин уюштурулған мәдәнийәт алмаштуруш паалийити болсиму, әмма америкидики уйғур җамаәтчилики бу суюмлук сәнәткарлири билән бир дәм муңдишиш, һәтта хатирә сүрәткә чүшүш пурситигиму игә болалмиғанлиқидин әпсусланған, бөгүн сәнубәр турсун қатарлиқлардин тәшкилләнгән бу өмәк уйғур елиға қайтқан.

Буниңдин 15 йил бурун, сәнубәр турсиунниң акиси, тәмбүр шаһи мәрһум нурмуһәммәт турсун америка симиссонийән музейи тәрипидин - 2002 йили пайтәхт вашингитонда өткүзүлгән "хәлқара йипәк йоли сәнәт фестивали"ға тәклип қилинған болсиму, әмма хитай һөкүмити униң америкиға келип консертқа қатнишишиға рухсәт қилмиған иди.

Сәнубәр турсун бундин илгири түркийә, лондон қатарлиқ җайлардиму нахша кечиликлирини өткүзүп қизғин алқишқа еришкән иди.

Аңлиғучилиримиз билән мәзкур хуш хәвәрдин ортақлишиш үчүн доктор әркин сидиқ әпәндини зиярәт қилдуқ,

Мухбиримиз гүлчеһрә билән әркин әпәндиниң сөһбитидин бәһрләнгәйсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт