Xelq'araliq Uyghur qelemkeshliri merkizi 10 yilni bésip ötti

Xelq´ara qelemkeshler Uyghur merkizining 2-nöwetlik qurultiyidin körünüsh. 2011-Yili féwral, budapésht.

Xelq'ara Uyghur qelemkeshler merkizi, bundin 10 yil muqeddem 2006-yili 10-ayning 18-küni shiwétsiyede qurulghan idi, merhum Uyghur sen'etkar küresh kösen ependining tirishchanliqliri bilen qurulghan Uyghur qelemkeshlirinning tunji xelq'araliq teshkilati bolup, musteqil hökümetsiz teshkilat bolghan xelq'ara qelemkeshler teshkilati bashchiliqida pa'aliyet élip bériwatqan bu jem'iyetning hazir dunyaning her qaysi jaylirida 300din artuq ezaliri bar.

Bu merkez hazirgha qeder xelq'ara miqyasida yalghuz merkezge eza bolghan Uyghur qelemkeshlerla emes, barliq yazarlarning yézish we ipade erkinliki, türmidiki yazghuchilardin yawa kepter aptori nurmemet tursun, ilham toxti qatarliq eserliri tüpeyli türmilerge élin'ghan yazghuchilarning erkinliki qatarliq köp qirliq pa'aliyetlerni élip barmaqta.

Uyghur qelemkeshler jem'iyitining qurulushi we nöwettiki pa'aliyetlirige qiziqsingiz, muxbirimiz gülchéhrening merkezning qurulushigha asas salghuchilardin, xelq'ara qelemkeshler teshkilati til we terjime hoquqi merkizining mudiri shiwétsiyediki qeyser ozghun ependi we Uyghur qelemkeshler merkizining re'isi qazaqistanda tonulghan yazghuchi xemit hemrayéf ependiler bilen élip barghan söhbitige ishtirak qiling.