Японийәдики "уйғурлар авази" интернет телевизийәсидә уйғурларниң чечәк сәйлиси тонуштурулди

Ихтиярий мухбиримиз һаҗи қутлуқ қадири
2017-04-27
Share
uyghurlar-awazi-yengi-chechek-1.jpg Японийәдики "уйғурлар авази" интернет телевизийәсидә уйғурларниң чечәк сәйлиси тонуштурулди.
uyghur-j.org

25-Апрел күни японийә уйғур җәмийити тәрипидин тәсис қилинған "уйғурлар авази" интернет телевизийәсиниң 2017-йиллиқ 3-сани йотубе арқилиқ рәсмий тарқитилди.

Японийә уйғур җәмийитиниң тор бетидә көрситилишичә, "уйғурлар авази" интернет телевизийәсиниң йеңидин тарқитилған мәзкур программисиниң мәдәнийәт сәһиписидә японлардики гүл сәйлиси билән уйғурларниң бағ-чечәк сәйлиси тоғрисида селиштурма елип берилған.

Уйғур елидә нәшр қилинған уйғур мәдәнийитигә даир китабларда көрситилишичә, уйғурлардики бағ-чечәк сәйлиси баһар йәни көкләм мәзгилидә, гүл-гияһлар чечәклинип, йәр-җаһан рәңдар болған күнләрдә бағ вә далаларда елип берилидиған паалийәтлиридин бири икән.

Японийә тарихий мәнбәлиридә дейилишичә, японлардики гүл сәйлиси болса қәдимий нара дәвридин башланған японларниң әнәниви саяһәт паалийәтлиридин бири болуп, адәттә 3-айниң ахиридин 4-айниң бешиғичә болған арилиқта дәрәхләр чечәклинип, чечәк ечилғанда елип берилидикән.

"уйғурлар авази" интернет телевизийәсиниң риясәтчилиридин бири болған японийә уйғур җәмийитиниң даимий һәйәт әзаси миура котаро мәзкур программида уйғурлар билән японларниң мәдәнийәт җәһәттики бәзи бир охшашлиқлар тоғрисида тохталған.

Зияритимизни қобул қилған японийә уйғур җәмийитиниң рәиси илһам мәхмут японлардики гүл сәйлиси билән уйғурлардики чечәк сәйлиси тоғрисида тохталди.

Зияритимизни қобул қилған "уйғурлар авази" интернет телевизийәсиниң көрүрмәнлиридин арома ханим мәзкур программида дейилгән уйғурларниң чечәк сәйлиси билән японлардики гүл сәйлиси тоғрисидики қарашлар һәққидә тохтилип: "японлар билән уйғурлар арисидики мәдәнийәт җәһәттики бәзи бир охшашлиқлар һәқиқәтән кишини ойландуриду. Шуңа икки милләт арисидики бу охшашлиқлар тоғрисида йәниму илгирилигән һалда тарихий мәнбәләргә асаслинип туруп көплигән тәтқиқатларни елип беришкә тоғра келиду" деди.

"уйғурлар авази" интернет телевизийәсиниң бу қетимқи программиси илгири программилириға охшашла кәң көрүрмәнләргә уйғур тилидин савақ бериш билән ахирлашқан. Бу қетим "чечәк сәйлиси" дегән бир җүмлә сөз көрүрмәнләргә өгитилгән.

Юқириқи аваз улинишидин тәпсилатини аңлаң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт