Рабийә қадир ханим йеңи йил мунасивити билән пүтүн дунядики уйғурларға салам йоллиди

Мухбиримиз қутлан
2014-01-01
Елхәт
Пикир
Share
Принт
Уйғур миллий һәрикитиниң рәһбири рабийә қадир ханим  дуня уйғур қурултийиниң йиғинида сөзлимәктә. 2011-Йили май, вашингтон.
Уйғур миллий һәрикитиниң рәһбири рабийә қадир ханим дуня уйғур қурултийиниң йиғинида сөзлимәктә. 2011-Йили май, вашингтон.
RFA

2013-Йили уйғур хәлқи үчүн унтулғусиз бир йил болди.

Уйғур елидики вә сиртидики уйғур хәлқи тинчлиқ, әркинлик вә тәрәққият үчүн пүтүн дуня хәлқи билән биргә зор тиришчанлиқларни көрсәтти. Шуниң билән бир вақитта, күнсайин күчийиватқан хитай коммунист реҗиминиң қаттиқ бесими астида өз мәвҗутлуқи үчүн еғир бәдәлләрни төләшкә мәҗбур болди.

Пүтүн дуня тинчлиқ, һәмкарлиқ вә тәрәққиятқа болған омумий кәйпият ичидә кона бир йилни узитип, йеңи йилни күтүвалған пәйтләрдә, уйғур елида арқа-арқидин қанлиқ вәқәләр йүз бәрди. Сиясий җәһәттики чәтләштүрүлүш, диний етиқад җәһәттики бесим вә мәдәнийәт җәһәттики мәҗбурий еритилиш райондики асаслиқ йәрлик аһалә болған уйғурларни пүтүн милләт гәвдиси билән өз мәвҗутлуқи һәққидә кәскин ойлинишқа мәҗбурлиди. 2009-Йилидики «5-июл вәқәси» дин кейин сиясий вәзийити барғансери җиддийлишип бериватқан уйғур ели тибәт билән биргә хитайниң миллий сияситидики «сақаймас яриси» ни ашкара қилди.

2014-Йили кириш мунасивити билән уйғур миллий һәрикитиниң рәһбири, дуня уйғур қурултийиниң рәиси рабийә қадир ханим пүтүн дунядики уйғур хәлқигә йеңи йиллиқ салам йоллиди.

Рабийә ханим алди билән өз нами вә дуня уйғур қурултийи рәһбәрлик һәйитиниң намидин уйғур елидики вә сиртидики уйғур җамаәтчиликиниң йеңи йилини тәбриклиди. Пүтүн дунядики уйғурларни тинч-иттипақлиққа, қериндашларчә өмлүккә вә миллий мәсулийәт туйғусини техиму күчәйтишкә чақирди. Уларға хатирҗәмлик вә мувәппәқийәтләр тилиди.

Рабийә ханим йеқинқи бир айдин буян уйғур елида йүз бәргән қанлиқ тоқунушлар вә райондики күндин-күнгә җиддийлишиватқан вәзийәт һәққидә җиддий йиғин чақирғанлиқини тәкитлиди. У йеңи йил һарписида дуня уйғур қурултийиниң рәһбәрлик һәйити билән өткүзгән җиддий телефон йиғини вә мәзкур йиғинда музакирә қилинған муһим мәсилиләр һәққидә мәлумат бәрди.

Ахирида, рабийә ханим өзиниң пүтүн дунядики уйғур җамаәтчиликиниң 2014-йилиға болған тиләклири вә үмидлирини оттуриға қойди.

Тәпсилатини аваз улиништин аңлиғайсиз.

Пикирләр (0)
Share
Толуқ бәт