Японийә уйғур бирлики японийә парламент әзалириға рабийә қадир ханимниң йеңи йиллиқ салимини йәткүзди

Ихтиярий мухбиримиз һаҗи қутлуқ қадири
2017.01.10
Share on WhatsApp
Share on WhatsApp
rabiye-qadir-duq-yaponiye-bash-ministir-yardemchisi-seichi-eto.jpg Д у қ рәиси рабийә қадир ханим башчилиқидики уйғур вәкилләр японийә баш вәзир ярдәмчиси сеиҗи ето әпәндимниң ишханисида соһбәттә. 2016-Йили 1-июн, токйо.
RFA/Qutluq

6-январ японийә уйғур бирлики тәшкилати японийә парламентидики бир қисим әзаларға дуня уйғур қурултийиниң рәиси рабийә қадир ханимниң йеңи йиллиқ салимини йәткүзди.

Японийәдә паалийәт елип бериватқан дуня уйғур қурултийи рәһбәрликидики японийә уйғур бирлики тәшкилати японийә парламентидики бир қисим уйғур мәсилисини қоллиғучи әзалар билән учришиш елип берип, дуня уйғур қурултийиниң рәиси рабийә қадир ханимниң йеңи йиллиқ салимини йәткүзгән болуп, японийә парламентида елип берилған бу қетимқи учришишта мәзкур тәшкилат әзалири алди билән японийә дөләт бихәтәрлик комитетиниң сабиқ рәиси, японийә парламент әзаси, японийә парламенти уйғур достлуқ гурупписиниң рәиси фурия кейҗи вә японийә баш вәзири шинзо абениң ярдәмчиси ето сеиҗи әпәндиләр билән айрим-айрим сөһбәттә болған.

Зияритимизни қобул қилған японийә уйғур бирлики тәшкилатиниң рәиси турмуһәммәт һашим бу һәқтә тохталди.

Японийә уйғур бирлики тәшкилати кюшу шөбисиниң мәсули имамура ноһ ибраһим бу һәқтә өзиниң қарашлирини баян қилип: “тәшкилатимизниң даим дегүдәк японийә парламент әзалири билән бу хилдики учришишларни елип берип уйғур мәсилисини биваситә һалда японийә һөкүмәт әмәлдарлириға йәткүзүшиниң әһмийитини зор дәп қараймән. Чүнки, японийә һөкүмәт рәһбәрлири хитай билән болған һәр хил дипломатик учришишларда әлвәттә, уйғур кишилик һоқуқ мәсилисини тилға елип хитайға бу җәһәттә бесим ишлитиштә бәлгилик рол ойнайду дәп ойлаймән” деди.

Турмуһәммәт һашимниң ейтишичә, японийә уйғур бирлики тәшкилатиниң әзалири японийә парламент әзалири билән йәнә пат йеқинда японийә парламентида елип берилидиған дуня уйғур қурултийи рәһбәрлириниң бир қисим паалийәтлири үстидиму сөһбәттә болған.

Зияритимизни қобул қилған японийә уйғур бирлики тәшкилатиниң һимайичилиридин такаши сато өзиниң японийә парламенти уйғур достлуқ гурупписиға болған өзгичә қарашлирини оттуриға қоюп :“японийә парламенти уйғур достлуқ гурупписи 2012-йили токйода дуня уйғур қурултийиниң 4-нөвәтлик қурултийи чақирилиш алдида, хитай һөкүмитиниң японийә тәрәпкә қурултайниң ечилишини чәкләш тоғрисида оттуриға қойған түрлүк тәләплирини дипломатик йоллар арқилиқ рәт қилған болсиму, бирақ шундин буян японийә парламенти уйғур достлуқ гурупписи дуня уйғур қурултийи рәһбәрлири оттуриға қойған бәзи тәләпләрни техичә орунлиялмиди. Мән шәхсән уларниң бу йилқи хизмәтлиридә уйғурларға әмәлий бир иш қилип беришини үмид қилимән” деди.

Турмуһәммәт һашимниң билдүрүшичә, бу қетимқи учришишта мәзкур тәшкилат әзалири йәнә японийә парламентидики өктичи сиясий партийәләрдин бири һесаблинидиған “японийә қәлби” партийәсиниң мәсуллири биләнму уйғур мәсилиси тоғрисида сөһбәт елип барған.

Японийә уйғур бирлики тәшкилатидин игилишимизчә, мәзкур тәшкилат йеқин кәлгүсидә рабийә қадир ханим башчилиқидики дуня уйғур қурултийи рәһбәрлириниң японийәдә елип баридиған уйғур кишилик һоқуқ паалийәтлири үчүн һазирдин башлап җиддий тәйярлиқ қилиш хизмитини башлиған.

Юқириқи аваз улинишидин тәпсилатини аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.