Awstraliyede merhum hüsen hesen wapatining 1 yilliqi xatirilendi

Merhum hüsen hesen ependi(aldinqi qur soldin ikkinchi) gérmaniyediki Uyghurlar bilen xatire sürette. 2013-Yili yanwar.

1-Noyabir küni awstraliyede yashawatqan Uyghurlar bir sorun'gha jem bolup, merhum hüsen hesen ependi wapatining bir yilliqini xatirilesh pa'aliyiti ötküzgen.

Awstraliye Uyghur jem'iyiti rehberliridin jür'et ependining bergen melumatigha asaslan'ghanda, merhum hüsen hesen ependi wapatining bir yilliqini xatirilesh pa'aliyiti 1-noyabir küni siydnéy shehiride ötküzülgen bolup, pa'aliyetke 60 tin artuq Uyghurlar we türkler qatniship merhumning hayat pa'aliyetlirini eslep ötken. Merhum hüsen hesen ependi 2014-yili 30-öktebir küni 62 yéshida késellik sewebidin qaza qilghan idi.

Jür'et ependining ilgiri sürüshiche, hüsen hesen ependi hayat mezgilliride awstraliye we dunyaning bashqa jayliridiki köpligen Uyghurlargha yardem qolini sunupla qalmay, öz waqtida yene d u q ni maddiy tereplerdin yöligen we awstraliye Uyghur jem'iyitining dunyagha kélishige töhpe qoshqan.

Jür'et ependi ziyaritimiz esnasida, merhumning éghir késel mezgilliride wiyétnamgha bérip, 2009-yilidiki 5-iyul ürümchi weqesige qatniship xitaydin qéchip chiqqan bir qisim Uyghurlarni qutuldurup qélishta zor jasaret körsetkenlikini xatirilep ötti. Uning éytishiche, merhum yene weten ichi we sirtidiki bir qisim Uyghur ziyaliylirighimu maddiy we meniwi yardemlerde bolghan.

Hüsen hesen ependi 2013-yili gérmaniyege dawalinish üchün kelgen mezgilliride öz kechmishlirini hékaye qilip bérip, xatire qaldurup ketken idi. U axirqi bayanlirida herbir Uyghurning öz wetini üchün bejanidil xizmet qilishini ümid qilghan idi.