Түркий тиллиқ хәлқләрниң шеирийәт байримиға уйғур вәкилиму тәклип қилинди

Ихтиярий мухбиримиз ойған
2013-06-06
Share
telman-nuraxunof.jpg Шаир вә язғучи телман нурахуноф(солдин биринчи) қазақистанлиқ вәкилләр билән түркий тиллиқ хәлқләрниң шеирийәт байримида. 2013-Йили 1-июн, бишкәк.
RFA/Oyghan

Йеқинда қирғизистан пайтәхти бишкәктә атақлиқ қирғиз язғучиси чиңғиз айтматоф хатирисигә беғишланған түркий тиллиқ хәлқләрниң 10-хәлқаралиқ шеирийәт байрими болуп өтти.

Түркийә язғучилар иттипақи, қирғизистан мәдәнийәт вә саяһәт министирлиқи вә қирғизистан миллий язғучилар иттипақи уюштурған мәзкур паалийәткә қазақистан, өзбекистан, түркийә, македонийә, молдова, русийә федератсийәсиниң татаристан, яқут (саха), хақасийә, башқуртистан, алтай җумһурийәтлири, қирғизистан вә башқиму мәмликәтләрдин кәлгән 21 түркий тиллиқ хәлқләрниң 80 дин ошуқ вәкили қатнашқан.

Төт күнгә созулған мәзкур байрам давамида йүсүп баласағуни, манас, намиқ камал, юнус әмри, сезайи қаракөч қатарлиқ бүйүк намайәндиләргә беғишланған шеирийәт кечилири уюштурулди, қирғиз миллий чалғу әсваблири ансамбилиниң чоң консерти көрситилди, меһманлар тарихий вә мәдәний ядикарлиқларни зиярәт қилди, өз әсәрлирини оқуди вә өз-ара тәҗрибә алмаштурди. Униң йепилиш мурасимида шаирлар пәхрий ярлиқлар билән, әң яхши дәп таллавелинғанлар болса, баһалиқ соғилар билән тәқдирләнди.

Қазақистан язғучилар иттипақи намидин барған вәкилләр қатарида болған шаир вә язғучи телман нурахуноф радиомиз зияритини қобул қилип, бу һәқтә өз тәсиратини оттуриға қойди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт