Қарақаш партком бинасиға һуҗум қилғанларниң бириниң сиңлиси 7 йиллиқ қамақта

Мухбиримиз шөһрәт һошур
2017.01.03
karamayda-tutulgan-roshengul-diniy-kiyim-romal.jpg Диний йосунда кийим кийгәнлики үчүн тутулған рошәңүл. 2014-Йили, қарамай.
RFA/Ehsan

Мухбиримизниң 28-декабир қарақаш партком бинасиға һуҗум қилиш вәқәсини қозғатқан сәвәбләр һәққидики ениқлашлири давамида, һуҗумни елип барған 4 гумандардин бири абдулетип мәтқурбанниң бир сиңлисиниң қаттиқ зәрбә бериш долқунида йәттә йиллиқ кесилгәнлики вә нөвәттә җаза муддитини өтәватқанлиқи ашкариланди. Бу һәқтә мәлумат бәргән ява йеза җаһанбағ кәнт аманлиқ мудири, абдулетип мәтқурбанниң илгири тағқа қой әкәлгини чиққанда террорлуққа тәйярлиқ қилиш гумани билән бир қетим хата тутулғанлиқини баян қилди.

Қарақаш партком бинасиға һуҗум қилиш вәқәсидә һуҗум нишаниниң өзила вәқәниң сиясий характерини йәни зулум вә адаләтсизликкә қарши һәрикәт икәнликини ашкарилимақта. Шуниңдиму биз вәқәниң йүз беришигә сәвәб болған қозғатқуч сәвәбләр һәққидә мәлумат игилидуқ. Гумандарлардин бири 23 яшлиқ абдулетип мәтқурбан. У, қарақаш наһийә ява йезисиниң җаһанбағ кәнтидин. Аһалиләрдин бириниң паш қилишичә, абдулетип мәтқурбан 2014-йили тағқа қой әкелиш үчүн чиққан, шу чағда 21 яш болған абдулетип мәтқурбан тағда достлири билән йүгришип ойнаватқанда гума наһийисиниң сақчилири тәрипидин террорлуқ үчүн мәшиқ вә тәйярлиқ қилиш гумани билән тутқун қилинған вә 3 ай һәқсиз тутуп турулғандин кейин қоюп берилгән. Бу учур җаһанбағ кәнт аманлиқ мудири тәрипидинму дәлилләнди.

Аманлиқ мудириниң юқириқи баянлиридин қариғанда, абдулетип мәтқурбанниң вәқәдә рол елишиға һәрикәтләндүргүч рол ойниған сәвәбләрдин бири нәврә сиңлиси 21 яшлиқ раһилә давутниң кесилиши болуши мумкин. Йәнә учурлардин мәлум болушичә, кәнттә елип берилған байрақ чиқириш вә нөвәттә туруш қатарлиқ сиясий һәрикәт вә өгинишләрму уни биарам қилған яки униң җениға патқан болуши мумкин.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.