'Seddichinning sirtida' namliq tyen'enmén weqesi heqqidiki höjjetlik filim nyuyorkta qoyulmaqchi

1989 ‏- Yilidiki 4 ‏- iyun tyen'enmén weqesining 21 yilliqini xatirilesh munasiwiti bilen ishlen'gen "seddichinning sirtida" namliq höjjetlik filim bügün axsham yeni 31 ‏- may küni kechte nyuyorktiki teywenlikler jem'iyitining pa'aliyet zalida qoyulmaqchi.
Muxbirimiz shohret hoshur
2010.05.31
Share on WhatsApp
Share on WhatsApp

Xitayche büyük éra torining xewer qilishiche, yaponiyide ishlen'gen bu filimde 4 ‏- iyun weqesi we weqedin kéyin chet'elge qéchip chiqip panahlan'ghan xitay démokratchilirining hayati teswirlen'gen. Filimde xu ping, yang jyenli qatarliq 20 din artuq tonulghan xitay démokratchilirining ish- izliri we köz qarashliri tonushturulghan.

Közetküchiler, bu filimning xitay ichi- sirtidiki xitaylarning idiyisige küchlük tesir körsitish éhtimalliqini perez qilmaqta. 4 ‏- Iyun weqesining 21 ‏- yilliqigha bir qanche kün qalghanda, xitay rehberliridin li changchün söz qilip, xitaydiki yash oqughuchilarning siyasiy we idé'ologiye terbiyisini yéterlik derijide alalmaywatqanliqini, bu jehettiki telim - terbiyining partiye we döletning éhtiyajigha nisbeten töwen ikenlikini bildürgen.

Buningdin qarighanda, xitay démokratchiliri bilen xitay kompartiye rehberliri arisida uzundin béri dawam qiliwatqan teshwiqat kürishining buningdin kéyinmu ajizlashmaydighanliqining isharetliri körülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.