Америка вә русийә президентлири ядро қораллири келишими мәсилисидә достанә сөзләшти

Америка президенти барак обама билән русийә президенти диметри медведев телефонда сөзлишип, америка билән русийиниң қисқа вақит ичидә "һуҗум характерлиқ истратегийилик қоралларни қисқартиш вә чәкләш келишими"ниң орниға йеңидин келишим түзүш һәққидә пикир алмаштурған.
Мухбиримиз үмидвар
2010-03-14
Share

Б б с агентлиқиниң хәвәр қилишичә, икки президент йеқин вақит ичидә келишим түзүшкә қошулған болуп, америка ташқи ишлар министири һилларий клинтон кәлгүси һәптидә москвани зиярәт қилип, русийә ташқи ишлар министири сергей лавроф билән йеңи түзүлидиған келишимниң тәпсилатлири һәққидә сөзлишиду.

"Һуҗум характерлиқ истратегийилик қоралларни қисқартиш вә чәкләш келишими" 1991 - йили түзүлүп, 1994 - йили күчкә игә болған. Униң вақти 2009 - йили декабирда тошуши керәк иди.

Бир йилдин буян русийә билән америка тәрәп мәзкур келишим һәққидә сөһбәтни давамлаштурған болуп, мәлум болушичә, вақти тошқан бу келишимниң орниға йеңидин бир келишим түзүп, икки дөләтниң һуҗум характерлиқ истратегийилик қораллирини қисқартишни әмәлгә ашуруш пүтүшүлгән. Мәзкур нуқтиму америка - русийә мунасивәтлиридики муһим амилларниң биригә айланған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт