Америка кеңәш палатаси хитайдики америка ширкәтлириниң инсаний мәсулийитини сүрүштә қилди
Дик дурбин, йеқинда гогул интернет ширкитиниң инсаний мәсулийәт нуқтисидин яхши бир өлгә яратқанлиқини, башқа ширкәтләрниңму гогул еришиши керәкликини билдүрди. Дик дурбин мәктубида барлиқ ширкәтләрдин хитайда бундин кейин, инсан һәқлирини қоғдаш, йәни пикир әркинликини қоллаш, шәхсий учурлирини сақлаш қатарлиқ җәһәтләрдики кәлгүси пиланлири һәққидә мәлумат сориған.
Дик дурбин кеңәш палатадики демократик партийиниң әзаси һәм кишилик һоқуқ комитетиниң мәсули болуп, у алдимиздики айларда интернет әркинлики һәққидә бир гуваһлиқ йиғини ачидиғанлиқини билдүргән.
Дик дурбин мәктуп әвәткән 30 ширкәтниң ичидә Amazon ,Facebook ,Skype ,Nokia қатарлиқлар болуп, бу ширкәтләрниңму гогулға охшаш, хитай билән билән болған тиҗарәттә инсан һәқлири шәртини алдинқи орунға қоюлуши күтүлмәктә. Әгәр, бу ширкәтләрму гогулға әгәшкән тәқдирдә, америка - хитай мунасивәтлириниң техиму мурәккәп бир басқучқа қәдәм қойидиғанлиқи пәрәз қилинмақта.
