Ақсарай ху җинтавниң кишилик һоқуқ вәдисини йеқиндин тәқиб қилидиғанлиқини билдүрди
Роберт гиббс пәйшәнбә күни мухбирларға әскәртип, "рәис ху җинтав дуняға хитайниң кишилик һоқуқ саһәсидә техиму яхши ишларни қилидиғанлиқини җакарлиди. Бу түнүгүнки чоң хәвәр. Биз әлвәттә буниңға мәмнунийитимизни билдүримиз. Биз хитай һөкүмитиниң һәрикитини тәқиб қилип, уларниң чаршәнбә күни ақсарайда бәргән вәдисигә вапа қилидиған-қилмайдиғанлиқиға қараймиз" дәп көрсәтти.
Ху җинтав өткән чаршәнбә күни президент обама билән ақсарайда чақирған мухбирларни күтүвелиш йиғинида мухбирларға баянат берип, кишилик һоқуқни яхшилаш җәһәттә техиму көп ишларни қилидиғанлиқини билдүргән. Лекин, у бу саһәдә қандақ ишларни қилидиғанлиқини тәпсилий чүшәндүрмигән иди.
Роберт гиббс пәйшәнбә күнидики баянатида йәнә, "бир хитай рәһбириниң чәтәлни зиярәт қилип, президент обама билән бир қатар мәсилиләрдә сөһбәт елип барғандин кейин, хитайда кишилик һоқуқни яхшилаш керәкликигә даир бундақ достанә вәдидә болуши биз үчүн бир хәвәр" дәп көрсәтти. Роберт гиббс ху җинтавниң кишилик һоқуқни яхшилаш тоғрисидики вәдисини махтиған болсиму, лекин бәзи мәтбуатлар ху җинтавниң кишилик һоқуқни тилға елиштики һәқиқий ғәризигә гуман билән қарайдиғанлиқини, униң кишилик һоқуқни яхшилашни оттуриға қоюш билән биргә, ғәрбниң кишилик һоқуқ қаришиға қошулмайдиғанлиқини әскәртип, кишилик һоқуқниң миллий алаһидиликини тәкитләватқанлиқини илгири сүрмәктә.
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Дуня мусапирлар күнидә уйғур мусапирлирини канадаға йәрләштүрүш һәққидә тәклип лайиһәси сунулди
- Б д т ниң ички қисмидики нишаниға мухалип қилмишлири вә уйғур мәсилиси
