Хитай ақсуда йүз бәргән партлаш вәқәсиниң арқисида 2 гуманлиқ киши барлиқини елан қилди

Хитай даирилири җүмә күни баянат елан қилип, ақсуда йүз бәргән партлаш вәқәсини кәлтүрүп чиқарғанларниң бир әр, бир аял, икки киши икәнликигә ишинидиғанлиқини елан қилған.
Мухбиримиз әркин
2010-08-20
Share

Шинхуа агентлиқи вә йәр шари вақти гезитиниң хәвәр қилишичә, даириләр үч чақлиқ мотсиклитқа бомба қачилап, хитай аманлиқ күчлиригә һуҗум қилғанларниң икки киши икәнликидин гуман қиливатқанлиқини илгири сүргән.

Лекин, уйғур аптоном райони һөкүмитиниң баянатчиси ху хәнмин франсийә ахбарат агентлиқиға баянат берип, вәқә пәйда қилғучиниң бирдин артуқ киши икәнлики һазирчә "ениқ әмәслики" шундақла вәқәни "террорлуқ һәрикәт" дәп муқимлаштурушниң һазирчә балдурлуқ қилидиғанлиқи, чүнки тәкшүргүчиләр вәқәниң бомба партлаштин келип чиққанлиқини чәткә қаққанлиқини илгири сүргән.

Пәйшәнбә күни ақсу шәһириниң игәчи йезисида йүз бәргән бу вәқәдә, чарлаш елип бериватқан мотсиклитлиқ хитай аманлиқ күчлири мотсиклитлиқ бир уйғурниң һуҗумиға учрап, 4 сақчи 3 пуқра өлгән иди. Йәр шари вақти гезити хитай даирилириниң ақсуда һәрбий һаләт елан қилғанлиқини хәвәр қилған болсиму, лекин баянатчи ху хәнмин буни рәт қилған.

Бәзи анализчилар үч чақлиқ мотсиклитниң һуҗумида 7 адәмниң өлүши әқилгә бәк сиғмайдиғанлиқини, бу түрлүк өлүм ‏- йетимләрниң пәқәт бомба партлитиш яки "сәмән вәқәси"гә охшаш чоң типлиқ йүк аптомобиллириниң һуҗумида йүз бериш еһтималлиқи барлиқини билдүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт