Аралтөпидики тағ гүмүрүлүп чүшүш вәқәсидин кейин, даириләр хәтәрлик канларни көздин кәчүрүшкә башлиған

Хитай ахбарат васитилириниң хәвәр қилишичә, күнәс наһийисиниң аралтөпә базиридики бир төмүр кенида 31-июл күни тағ гүмүрүлүп чүшүп, 20 нәччә адәм өлгәндин кейин, йәрлик даириләр или җилғисидики бу хил “геологийилик апәт” йүз бериш йошурун хәвпи мәвҗут хәтәрлик орунларни көздин кәчүрүп, тәдбир елишқа башлиған.
Мухбиримиз әркин
2012-08-06
Share

Шинхуа агентлиқиниң бу һәқтики хәвиридә, илиниң күнәс, текәс, тоққузтара, моңғулкүрә қатарлиқ наһийилиридики “геологийилик апәт” йүз бериш йошурун хәвпигә игә 739 орун тәкшүрүлүп чиқип тәдбир елинғанлиқи, 761 аилиниң көчүрүлгәнлики илгири сүрүлгән.

Бирақ, аралтөпә төмүр кенида 31-июл вәқә йүз берип, тағ астида қалған кишиләрни қутқузуш хизмити өткән һәптә ямғур сәвәбидин тохтап қалғандин буян, йәкшәнбә күнигә қәдәр әслигә кәлмигән. Даириләр өткән җүмә күни тағ астида қалған 28 кишидин 21 кишиниң җәсити тепилған болсиму, бирақ қалған 7 кишини издәп тепиш хизмити йөл йеғин сәвәблик тосқунлуққа учриғанлиқини билдүргән иди.

Мәзкур вәқә уйғур тәнқидчиләр вә муһитни қоғдиғучиларниң диққитини қозғиған иди. Улар даириләрниң вәқәни “геологийилик апәт” дәп атап, униңға тәбиий апәт түси беришкә урунғанлиқини, бу арқилиқ мәсулийәттин қачқанлиқини тәнқид қилған.

Уларниң илгири сүрүшичә, 31-июл тағ гүмүрүлүш вәқәси, күнәс қатарлиқ геологийилик йәр қатлими юмшақ җайларда кан ечип, йәрниң геологийилик қурулмисиға бузғунчилиқ қилған ширкәт вә йәрлик даириләрниң һәрикити кәлтүрүп чиқарған “сүний апәттур.”

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт