Хитай бир пәрзәнтлик болуш түзүмини бошаштуридиғанлиқини инкар қилди

Бүгүн хитай нопус вә пиланлиқ туғут комитети тәшвиқат вә маарип мәһкимиси башлиқи җаң җйән хитай күндилик гезитидә баянат елан қилип, хитайниң пиланлиқ туғут сияситигә түзитиш киргүзүп, икки пәрзәнт елишқа йол қойидиғанлиқини рәт қилди.
Мухбиримиз гүлчеһрә
2012-11-30
Елхәт
Пикир
Share
Принт

Буниң алдида хитай вә чәтәлдики бир қисим ахбаратлар хитай нопус вә пиланлиқ туғут комитети сабиқ башлиқи җаң вейчиңниң «җуңго бир пәрзәнтлик болуш сияситигә өзгәртиш киргүзүш алдида» дегәнлирини нәқил елип хәвәр қилған иди. Бүгүн б б с хәвәр агентлиқиниң тарқитишичә, җаң җйән бу баянларни пүтүнләй инкар қилип «җуңго пиланлиқ туғут сияситигә мувапиқ түзитиш киргүзүш тәтқиқатлирини елип бериватқан болсиму, бу һәқтә һечқандақ қарар елинмиди, җаң веичиңниң қандақ мәйданда туруп бу сөзләрни қилғанлиқи ениқ әмәс. Униң бундақ йениклик билән оттуриға қойған көз қаришиниң һечқандақ хәвәр қиммити йоқ» дегән.

28-Ноябир бир қисим ахбаратларда җаң вейчиңниң хитайда түзитиш киргүзүлгән йеңи пиланлиқ туғут сиясити бойичә, мәлум шәртләрни һазирлиған әр-хотунниң икки пәрзәнтлик болушиға йол қоюш алдида туруватқанлиқи һәққидики баянлири хәвәр қилинған иди. Җаң 2003-йили хитай нопус вә пиланлиқ туғут комитети мудири болған. 2007-Йили йәнә қошумчә комитет партком секретарлиқ вәзиписини өтигән. 2008-Йилидин башлап у хитай сиясий кеңәш нопус, байлиқ вә муһит комитетиниң мудири.

Пикирләр (0)
Share
Толуқ бәт