Бермодаға орунлаштурулған уйғурларға паспорт бериш тәләп қилинди

Хәлқара кәчүрүм тәшкилатиниң бермодада турушлуқ ишханиси чаршәнбә күни елан қилған мәлуматтин қариғанда, гуәнтанамодин қоюп берилгәндин кейин бермодаға орунлаштурулған 4 нәпәр уйғурниң адвокати бермода баш министириға хәт йезип униңдин бу 4 уйғурниң паспорт мәсилисини һәл қилишни тәләп қилған.
Мухбиримиз ирадә
2013.01.24

Адвокат ричард хорсмәнниң илгири сүрүшичә, әйни чағда бу уйғурларға бермодада бир йил турғандин кейин паспорт алалайдиғанлиқи билдүрүлгән. Шуңа улар бермодаға келишкә мақул болған. Адвокат ричард хорсмән бермода баш министири крйег кәннойиргә язған хетидә юқиридики нуқтини әскәртип, “бу кишиләр башқа бермода пуқралиридәк әркин саяһәт қилиш һоқуқидин бәһримән болуши керәк” дегән.

Әмма игилинишичә, бермоданиң сабиқ баш министири евард бровн бу уйғурларға бир йилдин кейин паспорт берилидиғанлиқи һәққидә бир гәп-сөзниң болғанлиқини изчил инкар қилип кәлгән икән.

Гуәнтанамо түрмисидин ақлинип қоюп берилгән хелил мамут, абдулла абдуқадир, салаһидин абдуләхәт вә абликим турахун қатарлиқ 4 уйғур 2009-йили бермодаға орунлаштурулған иди. Улар бермодада вақитлиқ туруш салаһийитигә игә.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.