Xitay da'iriliri taqiwétilgen tor béketliri we shexsiy bloglarning eslige kelgenlikini élan qildi

Xitay da'iriliri 2 - april küni uqturush chiqirip, ötken hepte “Torda pitne - ighwa tarqatqan” dégen bahanide taqiwétilgen tor béketlirining hemde 3 - aydin bashlap buyruq bilen taqiwétilgen bir qisim shexslerning bloglirining eslige keltürülgenlikini élan qildi.
Muxbirimiz ümidwar
2012.04.03
Share on WhatsApp
Share on WhatsApp

Ötken hepte béyjing da'iriliri, chongching sheherlik partkom sékritari bo shiley wezipisidin élip tashlan'ghandin kéyinki xitay weziyiti heqqide uchur tarqatqan 16 tor békitini taqap, 6 kishini tutqun qilghan idi.

Radi'omiz igiligen uchurlardin melum bolushiche, bu yil 3 - ayda béyjingda xitayning xelq qurultiyi we siyasi kéngesh yighini échilghan mezgilde, béyjing da'iriliri qattiq bixeterlik tedbirliri alghandin bashqa, béyjingdiki kishilik hoquq aktiplirini nezerbend qilip, ularning shexsiy tor béketlirini taqighan idi. Yighin mezgilide yene, özining Uyghur weziyiti heqqidiki pikir - qarashliri bilen xelqarada tonulghan, “Uyghurbiz” tor békitining sahibi, béyjing milletler uniwérsitétining dotsénti ilham toxti ependimu nezerbend astigha élinip, “Uyghur biz” ning xelq'ara tor békiti namelum xakkérlar teripidin hujumgha uchrighan hemde ilham toxti ependining shexsiy blogi taqilip, uning sirt bilen bolghan intérnét alaqisi üzüwétilgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.