Choshqa zukami tarqalghan dölet sani bügün 36 ge yetti

Dunya sehiye teshkilatning melum qilishiche, bügün choshqa zukami tarqalghan dölet sani36 ge, choshqa zukami wirusi bilen yuqumlan'ghanliqi éniqlan'ghan bémar sani 8451 ge yetti.
Muxbirimiz weli
2009.05.16
Share on WhatsApp
Share on WhatsApp

Bügün'ge qeder bundaq yuqumluq késel bilen ölgen adem sani 72. Birleshme agéntliqining bayan qilishiche, amérikida choshqa zukami bilen yuqumlan'ghanliqi labiratoriyilerde éniqlan'ghan bémar sani 4714, ölgini 4. Mékiskida éniqlan'ghan bémar sani 2895, ölgini 66. Kanadada bayqalghan bémar sani 496, ölgini bir. Ispaniyide éniqlan'ghan bémar sani 100. En'giliyide éniqan'ghan bémar sani 43.

Amérika awazning bayan qilishiche, bügün hinidstanda bir bémarning choshqa zukami wirusi bilen yuqumlan'ghanliqi éniqlandi, u nyuyorktin kelgen heyder'abadliq er iken. Türkiyidimu bügün amérikidin kelgen bir erning choshqa zukami wirusi bilen yuqumlan'ghliqi éniqlandi.

Merkizi agéntliqining bayan qilishiche, bügün béyjingde 18 yashliq bir qiz balining choshqa zukami wirusi bilen yuqumlan'ghanliqi éniqlandi, shuning bilen xitayda hazir choshqa zukami wirusi bilen yuqumlan'ghanliqi éniqlan'ghan bémar sani3 ge yetti. Yaponiyidimu, bügün yene 3 ademning choshqa zukami wirusi bilen yuqumlan'ghanliqi éniqlandi, shuning bilen yaponiyide choshqa zukami wirusi bilen yuqumlan'ghanliqi énlqlan'ghan bémar sani 8 ge yetti.
 
Shinjang xewer torining bayan qilishiche, ürümchidiki sayahet tarmaqliri ürümchidin yawropa, awstraliye we sherqiy jenubiy asiya döeletlirige we choshqa zukamining tarqilishi éghir bolghan döletlerge sayehetke baridighan ömeklerni pütünley emeldin qaldughan. Shundaqla ürümchide yene 'choshqa zukamining pochta xaltiliri arqiliq kirishidin saqlinish ' dégen nam bilen chet'ellerdin kéliwatqan pochta xalitilirini tekshürüsh yolgha qoyulghan.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet