Уйғур диярида чошқа зукими тез тарқалмақта

Бүгүн уйғур районлуқ сәһийә назарити йәнә икки нәпәр кишиниң чошқа зукими билән юқумланғанлиқини елан қилди. Буниң билән уйғур диярида чошқа зукими билән юқумланғанларниң сани 50 кә йәтти.
Мухбиримиз ирадә
2009-09-10
Share

Шинхуа торидин мәлум болушичә, чошқа зукими билән юқумланған 50 кишиниң 49 нәпири үрүмчи шәһәрлик 70- оттура мәктәпниң оқуғучилири, бир нәпири болса мәзкур мәктәпниң оқутқучиси икән. Һазир бу бимарларниң кесәллик әһвалиниң турақлиқ икәнлики билдүрүлмәктә.

Үрүмчи шәһиридә йәнә, кесәллик аламәтлири көрүлгән 12 нәпәр киши дохтурханиға елинған болуп, уларниң чошқа зукими билән юқумланған ‏- юқумланмиғанлиқи тәкшүрүлмәктә икән.

Мәлум болушичә, үрүмчидики сәһийә тармақлири юқумланғучилар билән йеқиндин алақә қилған 1518 киши үстидин килиникилиқ тәкшүрүш елип барған. Уларниң 122 нәпири дохтурханида карантинға елинған.

Хитай даирилири үрүмчидә мәктәпләрдә чошқа зукиминиң тарқилиши билән 6 - синтәбирдин башлап дәрс тохтатқан болуп, бу мәктәпләрниң қачан ечилидиғанлиқи ениқ уқтурулмиған. Хәвәрләрдин мәлум болушичә, үрүмчидә хитай даирилири һәрбий һаләт йүргүзүш билән бирликтә, аһалиләргә барлиқ еһтималларға қарши 3 күнлүк озуқ - түлүклирини тәйярлап қоюшни уқтурған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт