Dunya sehiye teshkilatining choshqa zukamidin agahlandurush derijisi 5 - derijige kötürüldi

Birleshken döletler teshkilati xewiride, peyshenbe küni dunya sehiye teshkilatining jiddiy yighin chaqirip, choshqa zukamidin mudapi'elinish agahlandurush derijisini, eslidiki 4 - derijidin yene bir derije kötürüp 5 - derijige chiqirishni qarar qilghanliqini körsetti.
Muxbirimiz gülchéhre
2009-04-30
Share

Bu dunya sehiye teshkilati qurulghandin buyan xelq'ara miqyasida tunji qétim 5 - derijilik apettin agahlandurush élan qilishi hésablinidu.

Sehiye teshkilatining xelq'araliq axbaratlargha bu heqte chüshendürüsh bérishiche, choshqa zukimining dunya miqyasida insanlar arisida tarqilishini keltürüp chiqirish mumkinchiliki intayin yuqiri bolup, pütkül insaniyet bu apetning tehditi astida.

Dunya sehiye teshkilati yuqiriqi agahlandurushni élan qilghandin sirt yene, xelq'aradiki mutexessislerning insanlarni téz arida choshqa zukamidin saqaytish hemde aldini élish jehette bösüsh xaraktérlik netije hasil qilish üchün toxtimay tirishiwatqanliqinimu eskertken.

Bu qétim insaniyet dunyasigha tehdit tughduruwatqan H1N1 choshqa zukimi nesli özgergen yéngi tiptiki wirus bolghachqa, insanlarda buninggha qarshi imonit küchi intayin cheklik iken.

Hazirghiche dunyada melum bolghan choshqa zukamdarliri asasen yéqin arida méksikida sayahette bolup baqqanlar idi, bügün miksikigha bérip baqmighan bir yuqumdarning ispaniyide melum bolushi, choshqa zukimi wirusining ademdin ‏ - ademge tarqilish küchining intayin yuqiriliqini körsitidighan tunji ispat hésablinidiken.

Choshqa zukimi yuqum ehwaligha a'it eng yéngi uchurlargha asaslan'ghanda, hazir méksika ilgiriki sanliq melumatlargha tüzitish kirgüzüp yéngidin sitatistika élan qilghan bolup méksikida mezkür wirus tarqalghandin kéyin ölgen 168 kishining 8 ining choshqa zukimi wirusi bilen ölgenliki éniq bolghan, qalghan 160 ölgüchi üstide dawamliq inchike tekshürüsh élip bérilmaqta iken.

Amérikida yuqumlan'ghanlar 93 ke yétip, buning ichide seyshenbe küni, méksikidin kelgen 23 ayliq bir bowaqning ölgenliki xewer qilindi. Nöwette dunyada choshqa zukimi wirusi seweblik ölgenliki ispatlan'ghanlarning sani9.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet