Әркинлик сарийи пакистан даирилириниң 9 нәпәр уйғурни хитайға өткүзүп бәргәнликини тәнқидлиди

Америка кишилик һоқуқ тәшкилати әркинлик сарийи 5 - айниң 7 - күни баянат елан қилип, пакистан һөкүмитиниң 9 нәпәр уйғурни хитайға қайтуруп бәргәнликини хәлқара әһдинамиға хилап һәрикәт дәп тәнқидлиди.
Мухбиримиз миһрибан
2009-05-07
Share

Бу 9 нәпәр уйғур хитай һөкүмити тәрипидин " террорлоқ " паалийити билән шуғулланған," шәрқий туркистан ислам партийиси" тәшкилатиниң әзалири дәп әйибләнгән иди.
Әмма 5 - айниң 2 - куни " шәрқий туркистан ислам партийиси " тәшкилати хитай вә пакистанға қарши баянат елан қилип, бу 9 нәпәр уйғурниң пакистандики адәттики уйғур пуқралири икәнликини, уларниң бу тәшкилат билән һечқандақ манасивити йоқлуқини билдургән иди.

Америка кишилик һоқуқ тәшкилати әркинлик сарийи 5 - айниң 7 - күни йәни пәйшәнбә күнидики баянатида, хитай һөкүмитиниң һәр вақит " террорчи" вә " миллий бөлгүнчи " дегән баһанә билән, хитайниң уйғур елидики һокумранлиғиға қарши турған уйғурларни тутқун қиливатқанлиғини, һәтта бу кишиләрни еғир тән җазаси билән җазалап, уларни өлүмгә һөкүм қиливатқанлиғини, хитайниң бу қилмишлири хәлқара инсан һәқлири қануниға хилап икәнликини көрсәтти.

Баянатта йәнә, хитайниң чәтәлләрдин қайтурулған һәр қандақ кишини қаттиқ җазалайдиған дөләт икәнлики, бу дөләттә инсани һәқ - һоқуқ капаләткә игә әмәслики тәкитләнгән.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт