ئەرشىدىن ئىسرائىلنىڭ ئادۋوكاتى ۋە كىشىلىك ھوقۇق ئورگانلىرى : ئەرشىدىن ئىسرائىل خىتايغا ئەپ كېتىلدى

ئەرشىدىن ئىسرائىلنىڭ ئادۋوكاتى ۋە كىشىلىك ھوقۇق تەشكىلاتلىرى، قازاقىستاندا پاناھلىنىۋاتقان ئۇيغۇر ياش ئەرشىدىن ئىسرائىلنىڭ خىتايغا قايتۇرۇپ كېتىلگەنلىكىنى ۋە ئۇنىڭ ھاياتىي خەۋپ ئاستىدا ئىكەنلىكىنى بىلدۈردى.
مۇخبىرىمىز ئىرادە
2011-06-02
ئېلخەت
پىكىر
Share
پرىنت

ئەرشىدىن ئىسرائىلنىڭ ئادۋوكاتى يۇرى سېرگىۋېچ قازاقىستان دائىرىلىرىدىن ئالغان خەۋىرىگە ئاساسەن ئەرشىدىننىڭ قازاقىستان-خىتاي چېگراسى بولغان قورغاسقا ئەپ كېتىلگەنلىكىنى ئېيتقان.

ئۆز مۇخبىرىمىزنىڭ ئىگىلىشىچە، خىتاي جامائەت خەۋپسىزلىك خادىملىرىدىن تەشكىل تاپقان بىر گۇرۇپپا ئەرشىدىن ئىسرائىلنى سەيشەنبە كۈنى قورغاس ئارقىلىق ئۈرۈمچىگە يۆتكەپ كەتكەن بولۇپ، ئەرشىدىننى ئېلىپ ماڭغان 12 ساقچىنىڭ ئىچىدە دىلمۇرات ۋە يالقۇن ئىسىملىك ئىككى ئۇيغۇر ساقچىمۇ بار ئىكەن.

بۇنىڭدىن سىرت، ئەرشىدىننىڭ تۇغقانىڭ ئېيتىپ بېرىشىچە، ئەرشىدىن ئىسرائىل قورغاسقا ئەپ كېلىنگەن شۇ كۈنى كېچىدە، ئۇنىڭ يۇرتى بولغان سۈيدۈڭدە 20 دىن ئارتۇق ئۇيغۇر ياش قولغا ئېلىنغان. ئەمما بۇ ياشلارنىڭ ئەرشىدىننىڭ دېلوسى بىلەن قانداق مۇناسىۋىتىنىڭ بارلىقى ھازىرچە ئېنىق ئەمەس.

بۈگۈن كىشىلىك ھوقۇق ئورگانلىرىدىن ئەركىنلىك سارىيى ۋە خىتايدا كىشىلىك ھوقۇق ناملىق تەشكىلاتلار ئايرىم - ئايرىم ھالدا بايانات بېرىپ قازاقىستاننى ئەيىبلىدى. ئۇلار ئۆز باياناتلىرىدا ياۋروپا بىخەتەرلىك ۋە ھەمكارلىق تەشكىلاتىنىڭ ئەزاسى بولغان ۋە شۇنداقلا ب د ت نىڭ مۇساپىرلارنى قوغداش قانۇنىغا قول قويغان قازاقىستاننىڭ بۇ قىلمىشىنى قوبۇل قىلىش مۇمكىن ئەمەس، دەپ كۆرسەتتى.

پىكىرلەر (0)
Share
تولۇق بەت