فالۇنگۇڭ مۇرتلىرى خىتاي كومپارتىيىسىنىڭ ۋەيران قىلىشىغا قارشى تۇرۇشىنىڭ ئون يىللىقىنى خاتىرلىدى

دۇنيانىڭ ھەر قايسى جايلىرىدىكى فالۇنگۇڭ مۇرتلىرى تۈرلۈك پائالىيەتلەر ئارقىلىق خىتاي كومپارتىيىسى تەرىپىدىن زىيانكەشلىككە ئۇچرىغانلىقىنىڭ ئون يىللىقىنى خاتىرىلىمەكتە.
ﻣﯘﺧﺒﯩﺮﯨﻤﯩﺰ ﺋﯩﺮﺍﺩﻩ
2009-07-23
Share

ئامېرىكا، فرانسىيە ۋە ئەنگىلىيە قاتارلىق دۆلەتلەردىكى فالۇنگۇڭ مۇرتلىرى چوڭ تىپتىكى يىغىلىشلارنى ئۆتكۈزۈپ،خىتاي ھۆكۈمىتىنى ئادالەت بىلەن ئىش قىلىپ فالۇنگۇڭ مۇرتلىرىنى قەستلەپ ئۆلتۈرگەنلىكىنى قوبۇل قىلىشقا ۋە بۇ خىل ھەرىكىتىنى ئاياغلاشتۇرۇشقا چاقىردى.

1999 - يىلى 7 - ئاينىڭ 22 - كۈنى خىتاي ھۆكۈمىتى فالۇنگۇڭ مۇرتلىرى ھەققىدە قارار ئېلان قىلىپ، فالۇن گۇمپىسى تەتقىقات مەركىزىنى قانۇنسىز ئورگان دەپ ئېلان قىلغان ۋە ئۇنى خۇراپىيلىقنى تەرغىپ قىلىپ خەلقنى ئالدايدىغان، قەستەن قۇتراتقۇلۇق قىلىپ جەمئىيەتنىڭ ئامانلىقىنى بۇزىدىغان تەشكىلات دەپ جاكارلىغان ئىدى. ئەمما فالۇنگۇڭچىلار بولسا ئۆزلىرىنىڭ ھەرگىزمۇ خىتاي دېگەندەك جەمئىيەت ئامانلىقىنى بۇزىدىغان كىشىلەر ئەمەسلىكىنى، خىتاي ھۆكۈمىتىنىڭ ئۆز ئادەملىرىنى ئورۇنلاشتۇرۇپ، يالغان ۋەقە ياساپ چىقىۋاتقانلىقىنى ئېيىتتى ۋە "خىتايدا كىشىلىك ھوقۇق يوق، كىشىلەرنىڭ دىنىي ئېتىقاد ئەركىنلىكىمۇ يوق " دەپ خىتاي ھۆكۈمىتىنى ئەيىبلىدى.

ئۇلارنىڭ ئىلگىرى سۈرۈشىچە، ئون يىلدىن بۇيان خىتاي ھۆكۈمىتى تەرىپىدىن تۈرمىلەرگە سولانغان فالۇنگۇڭ مۇرتلىرىنىڭ سانى ئاز دېگەندە 6000، ئۆلتۈرۈلگەنلەرنىڭ سانى 3000، ئەمگەك بىلەن ئۆزگەرتىلگەنلەرنىڭ سانى بولسا 100 مىڭ كىشىدىن ئېشىپ كېتىدىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت