دۇنيا ئۇيغۇر قۇرۇلتىيى غايىب بولغان ئۇيغۇرلار ھەققىدە ئۇچۇر بېرىشنى تەلەپ قىلدى

دۇنيا ئۇيغۇر قۇرۇلتىيى ب د ت مەجبۇرىي ئىز - دېرەكسىز يوقىتىۋېتىلگەنلەرنى خاتىرىلەش كۈنى مۇناسىۋىتى بىلەن بايانات ئېلان قىلىپ، خىتاي ھۆكۈمىتىدىن «5 - ئىيۇل ۋەقەسى» دىن كېيىن غايىب بولغان ئۇيغۇرلار ھەققىدە ئۇچۇر بېرىشنى تەلەپ قىلدى.
مۇخبىرىمىز جۈمە
2012.09.01


قۇرۇلتاي باياناتىدا خىتاي ھۆكۈمىتىنىڭ مەجبۇرىي يوقىتىۋېتىش تاكتىكىسىنى سىستېمىلىق ئىشقا سېلىپ ئۇيغۇرلارنىڭ ئاۋازنى جىمىقتۇرۇشقا ئۇرۇنۇۋاتقانلىقىنى ئوتتۇرىغا قويدى.

باياناتتا نەقىل قىلىشىچە، دۇنيا ئۇيغۇر قۇرۇلتىيى رەئىسى رابىيە قادىر خانىم مۇنداق دېدى: نۇرغۇن ئۇيغۇرلار مەجبۇرىي يوق قىلىۋېتىلگەن قېرىنداشلىرىنىڭ دېرىكى، ئەھۋالى ۋە كېيىنكى تەقدىرى ھەققىدە مەلۇمات ئېلىشقا كۆپ قېتىم تىرىشقان بولسىمۇ، بەختكە قارىشى ئۇلارنىڭ بۇ خىل تەلەپلىرى رەت قىلىندى ياكى نەزەرگە ئېلىنمىدى.

رابىيە قادىر خانىمنىڭ ئىلگىرى سۈرۈشىچە، 2009 - يىلىدىن بۇيان 10 مىڭ ئۇيغۇر ئىز - دېرەكسىز غايىب بولغان.

قۇرۇلتاي باياناتىدا خىتاي ھۆكۈمىتىنىڭ مەجبۇرىي يوقىتىۋېتىلگەن ئۇيغۇرلار ھەققىدە ئۇچۇر بېرىشنى رەت قىلىپ، خەلقئارالىق مەجبۇرىيەتلىرىگە خىلاپلىق قىلىۋاتقانلىقىنى ئەيبلىدى ۋە خەلقئارا جەمئىيەتنى خىتايغا بېسىم ئىشلىتىشكە چاقىردى.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.