Haytida sekkiz kündin kéyin üch qétim saqindi yer tewresh yüz berdi

Roytrs agéntliqining port aw prénsidin xewer qilishiche, hayti 12‏ - yanwar künidiki yer tewreshte asasen xarabiliqqa aylan'ghan idi. Sekkiz kündin kéyin, bügün yene 6.1 Bal derijilik üch qétim saqindi yer tewresh yüz berdi.
Muxbirimiz weli
2010-01-20
Share

Bu, kochilarda yétip - qopup, dunya ellirining qutquzush yémekliri bilen hayatini saqlap kéliwatqan hayti xelqighe qaytidin wehime saldi. Bügün saqindi yer tewresh yüz bergendin kéyin xewpke uchrighan adem we körülgen ziyan heqqide téxiche éniq melumat yoq.

Amérika dölet mudapi'e ministiri robért géytsning bayan qilishiche, amérika déngiz armiyisining paraxotliri bügün port aw prénsi shehiridiki muhim pristanlarni tazilap, chet'ellerdin haytini qutquzush we qaytidin qurush üchün yardem eshyaliri kélidighan yollarni rawanlashturmaqta.

Yer tewreshte zeximlen'gen ösmürlerni haytidin tik uchar bilen ochuq déngizgha ekilip dawalawatqan amérika déngiz armiyisining ming karwatliq qutquzush paraxoti bügün haytigha kiridu.

Shinxu'a agéntliqining bayan qilishiche, haytida yüz bergen yer tewreshte, türme örülgendin kéyin qoral iskilatini bulap qachqan 4500 jinayetchi, dunya ellirining yardem eshyalirini bulap - talap, apetke uchrighan xelqning yardem qobul qilish weziyitini qiyinlashturmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet