Кона шәһәр наһийисидин йәнә бир түркүм уйғур яшлири хитай өлкилиригә елип меңилди

Қәшқәр аманлиқ торида көрситилишичә, бу нөвәт елип меңилған уйғур яшлар кона шәһәр наһийисигә қарашлиқ 5 йезидин кәлгән икән.

Хәвәрдә мәзкур яшларниң гуаңдоң өлкисиниң доңгуән наһийисигә орунлаштурилидиғанлиқи көрситилгән болсиму, әмма буларниң ичидә қанчә нәпәр оғул яки қизиниң барлиқи көрситәлмигән.

Йәрлик хитай һөкүмити 2004 - йилидин буян "әмгәк күчлирини сиртқа йөткәш" намида уйғур қизлирини асас қилған әмгәкчиләр қошунини хитай өлкилиригә йөткәп келиватқан болуп, хитай өлкилиригә йөткәлгән бу балиларниң һәр хил наһәқчиликләргә вә кишилик һоқуқ дәпсәндичиликлиригә йолуқуватқанлиқиға аит хәвәрләрму мәйданға кәлгән иди.