Пәйзиват наһийисидин 3 йилда 19 миң яш хитай өлкилиригә йөткәлди

Бу йил пәйзиват наһийисидин 4300 уйғур яш хитай өлкилиригә йөткәлгән. Шинхуа ахбаратиға қариғанда, өткән үч йилдин буян пәйзиват наһийисидин хитайниң бейҗиң, тйәнҗин вә җеҗияң қатарлиқ районлириға 19 миң ишләмчи йөткәлгән.
Мухбиримиз җүмә
2009-08-12
Share

Хитай һөкүмити 2004 - йилидин башлап уйғур елдә әмгәк күчлирини сиртларға йөткәш сияситини йолға қойған иди. Хитайниң бу сиясити асаслиқ уйғур яш қизлирини хитай өлкилиригә йөткәшкә қаритилған болуп, уйғурлар арисида қаттиқ наразилиқ қозғиған.

Бу йил 26 - июндики шавгуән вәқәси вә мәзкур вәқәдә бигунаһ уйғур яшлириниң хитайлар тәрипидин уруп өлтүрүлүши, хитайниң мәҗбурий йосунда йүргүзүватқан "әмгәк күчлирини сиртларға йөткәш" сияситиниң мәһсули иди.

Хитай һөкүмити 26 - июн шавгуән қанлиқ вәқәсини адил бир тәрәп қилмай, вәқәниң һәқиқий маһийитини җамаәттин йошурғандин кейин, 5 - июл үрүмчидә уйғур яшлири адаләт тәләп қилип намайиш қилған иди.

Һалбуки хитай һөкүмити, уйғур яшларниң тәләплиригә җаваб беришниң орниға, намайишчи яшларни оққа тутқан вә қанлиқ бастурған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт