Iran, b d t xewpsizlik kéngishining jaza qararigha naraziliq bildürdi

B d t xewpsizlik kéngishi iran'gha jaza qollinishni qarar qilghandin kéyin iran prézidénti exmedi nijat bayanat bérip, qararning iranning uran tawlishini tosup qalalmaydighanliqini bildürdi.
Muxbirimiz irade
2010.06.10

Iran parlaménti bügün b d t ning yadro mesililiri tekshürüsh orgini bilen bolghan munasiwetlirini qayta közdin kechürüp chiqidighanliqini élan qildi. B b s ning bildürüshiche, iran bundin kéyin xelq'ara atom énérgiye orgini UAEK ning tekshürüsh xizmetlirini ret qilishi yaki azaytishi mumkin iken.

Amérika tashqi ishlar ministiri hillariy klinton b d t xewpsizlik kéngishining jaza qararini qarshi alidighanliqini, emma iran bilen bolghan diplomatiyining toxtap qalmaydighanliqini bildürdi.

Fransiye agéntliqining xewer qilishiche, iran'gha jaza yürgüzüsh qarari qobul qilin'ghandin kéyin, iran xitayni "islam dunyasi aldidiki hörmitini yoqitip qoydi" dep eyibligen idi. Emma arqidinla iran prézidénti exmedinijadning xitay da'iriliri bilen uchrishish élip bérish üchün peyshenbe küni chüshtin kéyin shangxeyge yétip kelgenliki melum boldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.