Иран диний даһийси һамейни өктичиләрни әйиблиди

Һамейниниң бу әйиблиши 7 - декабирдики чоң көләмлик һөкүмәттин ислаһат қилишни тәләп қилип елип берилған намайиш җәрянида намайишчиларниң бүгүнки диний даһий һамейни вә иран ислам инқилабиниң рәһбири, ислам җумһурийитиниң қурғучиси, вапат болған аятоллаһ һомейниниң сүритини йиртқанлиқи вә көйдүргәнлики сәвәб болған. Бу көрүнүш иран телевизийисидә көрситилгән икән.

Иран инқилабий қоғдиғучилири сүрәтләрни көйдүргән вә йиртқан бу кишиләрни тутуп җазалашни тәләп қилған. Арқидинла, иран ислам һөкүмитини қоллайдиған кишиләр бир қанчә шәһәрләрдә намайиш өткүзүп, ислаһатчи, өктичиләрни әйиблигән.

Ирандики өктичилик намайишлири бу йилниң оттурилирида әң кәң көләмдә йүз бәргән болуп, адәм өлүш вә ярилиниш вәқәлири садир болған һәмдә иран һөкүмити мәлум сандики кишини җазалиған иди.