Хитай ахбарат васитилири җәнубий деңиз араллири мәсилисидә америкиға һуҗум қилди

Хитай ахбарат васитилириниң дүшәнбә күни сепратил қатарлиқ игилик һоқуқи талаш-тартиштики җәнубий деңиз араллири мәсилисидә америкиға һуҗум қилип, униң “зуванини йиғивелиши”ни вә җәнубий деңиздики земин ихтилапиға арилашмаслиқини тәләп қилған.
Мухбиримиз әркин
2012-08-06
Share

Америка дөләт ишлар министирлиқи өткән җүмә күни баянат елан қилип, хитайниң игилик һоқуқи талаш-тартиштики районда сәнша шәһири қуруп, һәрбий гарнизон тәсис қилғанлиқини тәнқид қилған. Хитайниң һәрикити мәсилиниң дипломатик йоллар арқилиқ һәл қилинишиға пайдисиз икәнликини, буниң вәзийәтни илгириләп җиддийләштүрүветидиғанлиқини агаһландуруп, вәзийәткә йеқиндин диққәт қиливатқанлиқини билдүргән.

Бирақ “хәлқ гезити” ниң чәтәлгә тарқитилидиған нәшри дүшәнбә күни обзорчи мақалиси елан қилип: биз америкини, исмини атап тутуп “зуванини йиғивелиш”қа чақириқ қилимиз. Җуңгониң игилик һоқуқ даирисидики мәсилигә қандақму башқа дөләтләрниң арилишишиға йол қоюлсун, дегән.

“хәлқ гезити”ниң дөләт ичигә тарқитилидиған нәшридә америкиға қаритилған тәнқид охшашла кәскин болуп, вашингтонниң хитай билән униң асиядики қошнилириниң мунасивитини бузушқа урунуватқанлиқини илгири сүргән. “янғинни улғайтип, иттипақсизлиққа қутратқулуқ қилиш, җуңгоға қарши қәстән дүшмәнлик пәйда қилиш йеңи оюн әмәс” дәп көрсәткән. Вйетнам, филиппин, бруней, малайшия, тәйвән қатарлиқ дөләт вә районлар җәнубий деңиздики сепратил қатарлиқ тақим аралларда игилик һоқуқ барлиқини илгири сүрүп кәлгән. Хитайниң ихтилаптики бу районда сәнша шәһири вә гарнизон тәсис қилиши бу дөләтләрниң наразилиқиға учрап, филиппин қатарлиқ дөләтләр аталмиш сәнша шәһирини етирап қилмайдиғанлиқини җакарлиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт