Хитай тәшвиқат даирилири лей феңдин өгинишни қайтидин базарға салди

Тәңритағ ториниң хәвәр қилишичә, хитай компартийиси мәркизи тәшвиқат бөлүми бүгүн “лей фең роһини җари қилдуруш” дегән темида ахбарат елан қилиш йиғини өткүзүп, лей феңдин өгинишни қайтидин базарға салған.
Мухбиримиз шөһрәт һошур
2012.02.27
Share on WhatsApp
Share on WhatsApp

Йиғинда тәшвиқат бөлүминиң муавин башлиқи ло шугаң, лей фең роһиниң бүгүнки дәврдики әһмийити һәққидә тохталған. У бу һәқтә, кишиләрни сәмимий болушқа йетәкләш, етиқадсизлиқ вә ғайисизликтин қутулдуруш, миллитиниң вә компартийиниң улуғлуқини һес қилдуруш җәһәттә лей фең роһиниң ишқа ярайдиғанлиқини баян қилған.

Хитай ичидики бир қисим мустәқил учур-мулаһизиләрдә, лей фең роһиниң аллиқачан вақти өткәнлики тәкитләнсә, чәтәлдики хитайчә учур васитилиридә лей фең роһи хитай компартийисигә шәртсиз бойсунушни тәшәббус қилидиған қулчилиқ роһий дәп тәнқидлинип кәлгән.

Хитай һөкүмити уйғур елидә йерим әсирдин буян лей фең роһини тәшвиқ қилиш билән бирликтә, “қурбан тулум роһий” ниму тәшвиқ қилған, йеқиндин буян йәнә“алим халиқ роһий”ни базарға селип, уйғурларни хитай һакимийитигә шәртсиз бойсундурушқа урунуп кәлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.