گېرمانىيە كىشىلىك ھوقۇق مۇتەخەسسىسى خىتاي يېڭى رەھبەرلىك قاتلىمىنى مىللەتلەر ھوقۇقىغا ھۆرمەت قىلىشقا چاقىردى

يېڭى رەھبەرلىك قاتلىمىنىڭ مەۋجۇت ۋە جىددىي مەسىلىلەرگە قارىتا يېڭىچە يول تۇتۇشىنىڭ زۆرۈرلۈكىنى تەكىتلىگەن گېرمان مۇتەخەسسىس، ئاس سانلىق مىلللەتلەر ھوقۇقىغا، ئۆكتىچىلەرگە ۋە كىشىلىك ھوقۇق پاالىيەتچىلىرىگە ھۆرمەت قىلىشنى ئۆزلىرىنى باھالاشنىڭ ئۆلچىمى قىلىش كېرەكلىكىنى ئەسكەرتتى. ئۇ سۆزىدە يەنە ب د ت كىشىلىك ھوقۇق كومىتېتىنىڭ مۇتەخەسسىسى ناۋىي پلاي خانىمنىڭ تىبەت ۋەزىيىتى ھەققىدىكى چاقىرىقلىرىنى قوللايدىغانلىقىنى بىلدۈرۈپ، ئۆزىنىڭمۇ تىبەتتىكى ئۆزىگە ئوت قويۇۋېلىش ۋەقەلىرىنىڭ ئاقىۋىتىدىن ئەندىشە قىلىۋاتقانلىقىنى بىلدۈردى.

مۇتەخەسسىس ماركۇس لونىڭنىڭ بىلدۈرۈشىچە، نۆۋەتتە تىبەت ۋەزىيەت ھەققىدە خىتاي ھۆكۈمىتى ۋە تىبەت سۈرگۈندە ھۆكۈمىتىدىن ئىبارەت ھەر ئىككى تەرەپنىڭ بېرىۋاتقان مەلۇماتى ئىشەنچلىك ئەمەس. شۇڭا ماركۇس لونىڭ تىبەتكە مۇستەقىل خەلقئارا تەشكىلاتلارنىڭ تەكشۈرۈشكە بېرىشنىڭ زۆرۈرلۈكىنى تەكىتلىدى.