Misirning yéngi asasiy qanuni ammining rayini sinashqa qoyulidu
2012.12.02
Roytérs agéntliqining xewer qilishiche, misirning yéngi asasi qanuni boyiche prézidéntliq möhliti 4 yil qilip békitilgen bolup, emma prézidéntning ikkinchi nöwet wezipe ötesh salahiyiti bolmaydu. Xelqning herbiylerni we hökümetni nazaret qilish hoquqi kapaletke ige bolidu. Egerde 15 - dékabir künidiki xelq rayini sinashta mezkur asasiy qanun qobul qilinsa, 60 kün ichide yéngi parlamént saylimi ötküzülüshi kérek iken.
Bu asasiy qanun boyiche prézidéntning hoquq da'irisimu cheklimige uchraydighan bolup, mubarek dewridin zor perqliq bolidu.
Yéngi asas qanun nusxisini asasiy qanun békitish komitétining 85 neper ezasi morsigha sun'ghan bolup, emma öktichi guruhlar yenila mezkur asasiy qanundiki bezi maddilargha naraziliq qarashlirida bolmaqta.
Shenbe küni qahirede 200 mingdin artuq adem namayish qilip, yéngi asasiy qanun qobul qilishni qollighan.