Уйғур ели нефит саһәсигә чәтәл ширкәтлири тәклип қилмақчи

Америкида чиқидиған дов җонес хәвәрләр торида көрситишичә, хитай дөләт игидарлиқидики нефит гуруһи - җуңго нефит химийә ширкити уйғур елидики бәзи нефит вә тәбиий газлиқларға чәтәл ширкәтлирини мәбләғ селишқа тәклип қилмақта икән.
Мухбиримиз җүмә
2012.09.29
Share on WhatsApp
Share on WhatsApp


Уйғур елидики барлиқ нефитликләр хитай дөләт игидарлиқидики җуңго нефит химийә ширкити вә җуңго нефит вә тәбиий газ гуруһиниң контроллуқида болуп, башқа ширкәтләр асасән бу саһәгә пут тиқалмай кәлгән иди.

Мәзкур ширкәт 2006 - йили бир франсийә нефит ширкитиниң уйғур ели тәбиий газлиқиға мәбләғ селишиға йол қойған. Шуниңдин кейин һечқандақ чәтәл нефит ширкити уйғур ели нефит саһәсигә йеқин йолитилмиған иди.

Бу нөвәт хитайниң немә үчүн чәтәл ширкәтлириниң уйғур ели нефитликигә мәбләғ селишиға йол қоймақчи болуп қалғанлиқи мәлум әмәс.

Һалбуки, җуңго нефит химийә гуруһи юқири хәвәрни инкар қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.