En'gliyilik néyl xéywodning suyiqestke uchrishining sewebliri ashkarilanmaqta

Ötken yili xitayning chungching shehiride yüz bergen en'gliyilik sodiger néyl xéywod ning sirliq ölümi eyni chaghda xitay qanun organliri teripidin haraqtin zeherlinish dep chüshendürülgen.
Muxbirimiz shöhret hoshur
2012.04.16

Bu qétim chungching shehirining partkom sékrétari bo shiley wezipisidin élip tashlan'ghan we ayali gu keyley tutqun qilin'ghandin kéyin, néyl xéywodning ölümining heqiqiy sewebliri ashkarilanmaqta.

Melum bolushiche, néyl xéywod haraqtin ölgen emes, belki kaliy siyand dep atilidighan ximiyiwi maddidin zeherlinip ölgen. Roytris agéntliqining ashkarilishiche, néyl xéywod uzundin béri gu keyleyning chet'eldiki soda ishlirigha hemkarliship kelgen.

Axirqi qétimda gu keyley zor miqdardiki pulni chet'elge yötkimekchi bolghan. Bu chaghda néyl xéywod gu keyleydin belgilik miqdarda heq telep qilghan. Telep qilin'ghan heq gu keyleyning kütkinidin köp bolghachqa, ikkisi arisida arazchiliq yüz bergen. Bu chaghda néyl xéywod gu keyleyning chet'eldiki mexpiy tijaretlirini ashkariliwétidighanliqini éytqan. Bu ehwalni özining tijariti we yoldishi bo shileyning istiqbali üchün tehdit dep qarighan gu keyley néyl xéywodqa suyiqest pilanlighan. Pilan boyiche xéywod kaliy siyand bilen zeherlep öltürülgen.

Nöwette bu xewer en'gliye xelqi ichidimu zor daghdugha peyda qilghan bolup, kishiler en'gliye hökümitining néme üchün mezkur weqeni baldurraq sürüshte qilmighanliqini tenqid qilishmaqta.

Melum bolushiche, xitay dölet emeldarliridin li changchün ete seyshenbe küni en'gliye bash ministiri bilen körüshkende, néyl xéywodning ölümi mesilisinimu sözlishidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.