Даириләр дәвагәр нурунгүл тохтини алдап әкитилип солап қойди

Хитайниң ақсу учтурпан наһийисидики даириләр, бейҗиңда дава қиливатқан нурунгүл тохтини өткән айда қуруқ вәдә билән алдап әкетип, аридин бир һәптә өтмәйла тутқун қилған.
Мухбиримиз шөһрәт һошур
2012-07-16
Share

Даириләр нурунгүлни қайтуруп әкетишниң алдида униңға телефон арқилиқ идийиви хизмәт ишләп, униң алдинқи йили учтурпан қамақханисида 39 күн һәқсиз ятқанлиқиға төләм беридиғанлиқини ейтқан вә униң банка һесабатиға 20миң йүән пул йоллап берип, уни қайтип келишкә дәвәт қилған. Нурунгүл 20 миң йүән нәқ пул һесабатиға өткәндин кейин, даириләрниң вәдисигә ишинип юртиға қайтип кәткән. У юртиға берип әтиси учтурпан наһийилик сақчи идарисиниң сақчилири униңдин әһвал игилигән. Аридин йәнә бирқанчә күн өткәндә уни тутуп кәткән.

Мәлум болушичә, у нөвәттә учтурпан қамақханисида тутуп турулмақта. Нурунгүл тохтиниң әсли әрзи у далйәндики чеғида 8 яшлиқ оғлини булап кәткән хитай қарақчи үстидин иди. Нурунгүл дава җәрянида хитайниң мәркизи интизам тәкшүрүш комитети қатарлиқ орунлирида көп қетим хитай сақчилири билән җаңҗаллашқан. У бу сәвәбтин алдинқи йили бейҗиңдин тутуп кетилип учтурпан қамақханиға 39 күн қамап қоюлған. Нурунгүл қамақханидин чиқипла әрзини давамлаштурған. Бултур даириләр униң еғизини бесиқтуруш үчүн йезилиқ сиясий комитетиға ишқа орунлаштурған; лекин хизмәт давамидики һәқсизлиқларға қарап туралмиған нурунгүл мәзкур хизмитидин истепа бәргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт