Prézidént obama démokratlar partiyisining prézidént namzatliqini qobul qildi

Amérika prézidénti barak obama peyshenbe kech démokratlar partiyisining memliketlik qurultiyida nutuq sözlep, mezkur partiyining prézidént namzatliqini qobul qildi.
Muxbirimiz erkin
2012-09-07
Share

Obama amérikiliqlarning özini yene bir qétim saylishini telep qilip, amérika üchün yaxshi künlerning aldida ikenlikini bildürdi. U bu jeryanda xitayni ikki qétim tilgha aldi. Bir qétimliqida u jumhuriyetchiler prézidént namzati mit rumnéyning tashqi siyaset tejribisi yoqluqini eskertip: eger siz olimpik yighinini ziyaret qilghanda amérikining eng yéqin ittipaqdishining könglige azar bermeslikni bilmisingiz, bu dégenlik sizning béyjing bilen diplomatik munasiwet qilishqa teyyarliqingiz yoq, dégenliktur, dep körsetti.

Jumhuriyetchiler namzati mit romnéy london olimpik harpisida en'gliyini ziyaret qilip, london shehirining olimpik teyyarliqini tenqid qilghan. Lékin bu en'gliyining naraziliqini qozghighan idi. Obama nutqida yene eskertip, amérikiliqlar duch kelgen mesile noqul ikki namzattin kimni saylash, ikki partiyidin qaysi birini tallash mesilisi emesliki, bu oxshimighan ikki xil amérikigha élip baridighan yolning birini talash mesilisi ikenlikini körsetti.

Obama, iqtisadning eslige kélish sür'itining astiliqi uning kélechek ishenchige jiddiy riqabet peyda qiliwatqanliqini eskertip, lékin saylighuchilirini uninggha ishinishke, uning bashqurushida amérikining eng ronaq tapqan künlirining yétip kélidighanliqini bildürdi. Biraq obama yene, özining körsetken yolini nahayiti asan we téz, dep perdazlanmaydighanliqi, biraq amérika yene bir qanche yil küchise, nechche yillardin béri yighilip qalghan mesililerni hel qilip kétidighanliqini eskertti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.